ដើម្បីប្រជែងនឹងភាពយន្តបរទេស ភាពយន្តខ្មែរត្រូវតែមានការកែទម្រង់និងពង្រឹងខ្លួនឯង
ចុះផ្សាយនៅថ្ងៃ៖
ស្តាប់ - ០៩:៥០
វិស័យភាពយន្តខ្មែរត្រូវគេមើលឃើញថា កំពុងមានការចាប់អារម្មណ៍បន្តិចម្តងៗឡើងវិញនៅក្នុងអំឡុងពេលនេះ។ ការសម្លឹងឃើញបែបនេះ ក៏ដោយសារតែគេឃើញមានរោងភាពយន្តឯកជនមួយចំនួនបានកកើតឡើងវិញ ហើយដំណើរការចាក់បញ្ចាំងរឿងខ្មែរជាបន្តបន្ទាប់។ លើសពីនេះ គេក៏សង្កេតឃើញមានការចាក់បញ្ចាំងតាមទូរទស្សន៍ផងដែរ ក៏ប៉ុន្តែដំណាលគ្នានេះ ក៏មានលេចចេញវត្តមានភាពយន្តភាគថៃ ទាំងរឿងចាស់ជាង១០ឆ្នាំមុន និងទាំងរឿងថ្មីនៅតាមកញ្ចក់ទូរទស្សន៍នានា។ កាលពីពេលថ្មីៗនេះ ក្រសួងព័ត៌មានបានសម្រេចឲ្យស្ថានីយ៍ទូរទស្សន៍នានាចាក់បញ្ចាំងភាពយន្ត និងផលិតផលសិល្បៈជារបស់ខ្មែរនៅម៉ោងមាស គឺក្នុងរង្វង់ពីម៉ោង ៦ដល់ម៉ោង៨យប់។