លោក រុណ មាត្រា៖ លោកញឹក ប៊ុនឆៃ ទទួលស្គាល់កំហុសអចេតនា តែមិនមែនជាគោលបំណង
ចុះផ្សាយនៅថ្ងៃ៖
ស្តាប់ - ១២:៤៨
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក រុណ មាត្រា អ្នកនាំពាក្យគណបក្សខ្មែររួបរួមជាតិ។ ឆ្លើយតបនឹងសំណួររបស់វិទ្យុបារាំងអន្តរជាតិ RFI ជុំវិញស្ថានភាពរបស់គណបក្សខ្មែររួបរួមជាតិ លោក រុណ មាត្រា បានអះអាងថា គណបក្សដែលបែកចេញពីគណបក្សហ្វ៊ុនស៊ិនប៉ិចមួយនេះ នៅតែប្រកាន់ជំហរឯករាជ្យ អព្យាក្រឹត្យ និងមិនចុះចូលជាមួយគណបក្សនយោបាយណាមួយនោះទេ។ នៅថ្ងៃទី ១២ សីហា ខាងមុខនេះ គណបក្សនឹងជួបប្រជុំគ្នាជាទ្រង់ទ្រាយធំ ដើម្បីបញ្ជាក់ពីជំហររបស់ខ្លួន និងដើម្បីពង្រឹងគណបក្សនេះឡើងវិញ បន្ទាប់ពីសមាជិកជាន់ខ្ពស់ជាច្រើនបានដើរចេញពីគណបក្សជាបន្តបន្ទាប់។បើតាមលោក រុណ មាត្រា ថា លោក ញឹក ប៊ុនឆៃ បានទទួលស្គាល់កំហុសឆ្គងក្នុងព្រឹត្តិការណ៍ដែលបានកើតឡើង កាលពីថ្ងៃទី ៤ មិថុនាថា ជាការធ្វេសប្រហែស តែមិនមែនជាគោលបំណងរបស់លោកនោះទេ។
