លោក ឱម យ៉ិនទៀង៖ ទោះអ្នកធំយ៉ាងណាក៏ដោយ ឱ្យតែមានតម្រុយពុករលួយ អង្គភាពប្រឆាំងអំពើពុករលួយនឹងស៊ើបអង្កេត
ចុះផ្សាយនៅថ្ងៃ៖
ស្តាប់ - ១៣:២៩
ភ្ញៀវប្រចាំថ្ងៃរបស់យើងនៅរាត្រីនេះ គឺលោកឱម យ៉ិនទៀង ប្រធានអង្គភាពប្រឆាំងអំពើពុករលួយ។ នៅថ្ងៃនេះដែលជាថ្ងៃទិវាជាតិប្រយុទ្ធប្រឆាំងអំពើពុករលួយ អង្គភាពប្រឆាំងអំពើពុករលួយបានរៀបចំសន្និបាតមួយស្តីពីការបូកសរុបការងាររយៈពេល៨ឆ្នាំ គឺតាំងពីឆ្នាំ២០១១ដល់ឆ្នាំ២០១៨ និង រយៈពេលពេញមួយឆ្នាំ២០១៩នេះ និង លើកទិសដៅការងារសម្រាប់ឆ្នាំ២០២០ខាងមុខ។ លោកឱម យ៉ិនទៀង បានបញ្ជាក់ពីកិច្ចការងារដែលអង្គភាពនេះសម្រេចបាននាពេលកន្លងមក។ ជាមួយគ្នានេះ លោកក៏បានអះអាងដែរថា បើសិនអង្គការសង្គមស៊ីវិល ឫមជ្ឈដ្ឋានណាមួយមានតម្រុយនៃអំពើពុករលួយរបស់អ្នកធំណាម្នាក់ គឺអាចផ្ញើមកអង្គភាពប្រឆាំងអំពើពុករលួយបាន ហើយអង្គភាពនេះនឹងធ្វើការស៊ើបអង្កេត។
