លោក គី សិរីវឌ្ឍន៍៖ កម្ពុជាគួរមានដៃគូពាណិជ្ជកម្មច្រើន ដើម្បីកាត់បន្ថយហានិភ័យនៃការដាច់ដង្ហើមសេដ្ឋកិច្ច
ចុះផ្សាយនៅថ្ងៃ៖
ស្តាប់ - ១១:៤២
ភ្ញៀវប្រចាំថ្ងៃរបស់វិទ្យុបារាំងអន្ដរជាតិ RFI នារាត្រីនេះ គឺលោកបណ្ឌិត គី សិរីវឌ្ឍន៍ ប្រធានមជ្ឈមណ្ឌលសិក្សាចិននៃរាជបណ្ឌិតសភាកម្ពុជា។ លោកបណ្ឌិត គី សិរីវឌ្ឍន៍ បានចាត់ទុកដំណើរទស្សនកិច្ចរបស់លោកនាយករដ្ឋមន្ដ្រី ហ៊ុន សែន នៅប្រទេសចិន ថាជាការបង្ហាញអំពីភាពជាដៃគូល្អរវាងចិននិងកម្ពុជា ក្នុងវិស័យសេដ្ឋកិច្ចនិងពាណិជ្ជកម្ម ខណៈពេលដែលទំនាក់ទំនងរវាងកម្ពុជាជាមួយប្រទេសលោកខាងលិចកំពុងជួបភាពរកាំរកូស។ បើទោះបីជាយ៉ាងដូច្នេះក៏ដោយ លោកបណ្ឌិត គី សិរីវឌ្ឍន៍ ក្រើនរំឭកឲ្យកម្ពុជាបង្កើតភាពជាដៃគូក្នុងវិស័យសេដ្ឋកិច្ចឲ្យបានច្រើន ដើម្បីកាត់បន្ថយហានិភ័យនៃការដាច់ដង្ហើមសេដ្ឋកិច្ច ក្នុងករណីមហាយក្សចិនងាកចេញពីកម្ពុជានាពេលអនាគត។
