លោក កែវ វី៖ ប្រតិបត្តិការជួយសង្គ្រោះជនរងគ្រោះពីការបាក់អគារនៅខេត្តកែប បានបិទបញ្ចប់ ខណៈជនរងគ្រោះ៣៦នាក់ស្លាប់
ចុះផ្សាយនៅថ្ងៃ៖
ស្តាប់ - ១៤:១៦
ប្រតិបត្តិការជួយសង្គ្រោះជនរងគ្រោះពីឧបទ្ទវហេតុនៃការដួលរលំបាក់អគារនៅក្នុងខេត្តកែប បានបិទបញ្ចប់ហើយនៅវេលាម៉ោង១១និង៣៥នាទី ថ្ងៃអាទិត្យ ទី ០៥ មករា នេះ។ ប្រតិបត្តិការនេះ បានប្រើពេលអស់៤៣ម៉ោងនិង២០នាទី និងកម្លាំងចម្រុះប្រមាណជា ១០៨៧នាក់ ក្នុងនោះក៏មានកិច្ចសហការជួយសង្គ្រោះពីកងកម្លាំងស្ម័គ្រចិត្តរបស់ប្រទេសចិនផងដែរ។ យ៉ាងណាក្តី ជនរងគ្រោះសរុបចំនួន ៥៩នាក់ ត្រូវបានគេយកចេញពីក្រោមគំនរបេតុង ក្នុងនោះ៣៦នាក់បានស្លាប់ និង២៣នាក់បានរងរបួស។ លោក កែវ វី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយកម្ពុជា បានលើកឡើងថា ប្រតិបត្តិការជួយសង្គ្រោះករណីរលំបាក់អគារនៅខេត្តកែបនេះ ជួបការលំបាកច្រើន បើធៀបនឹងករណីរលំបាក់អគារនៅក្នុងខេត្តព្រះសីហនុកាលពីឆ្នាំមុន។ ប៉ុន្តែទោះជាយ៉ាងនេះក្តី ក្រោមការបញ្ជាផ្ទាល់របស់លោកនាយករដ្ឋមន្ត្រី ហ៊ុន សែន ការជួយសង្គ្រោះត្រូវធ្វើឡើងដោយប្រុងប្រយ័ត្ន ដើម្បីការពារសុវត្ថិភាព និងអាយុជីវិតរបស់ជនរងគ្រោះដែលនៅមានដង្ហើម។ តើប្រតិបត្តិការរយៈពេលពីរយប់ពីរថ្ងៃនេះ បានជួបឧបសគ្គអ្វីខ្លះ?