ភ្ញៀវប្រចាំថ្ងៃរបស់វិទ្យុបារាំងអន្ដរជាតិនៅថ្ងៃនេះ គឺលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ។ តាមរយៈសំណួររបស់ អ៊ឹម រចនា លោក ឱម យ៉ិនទៀង បានរៀបរាប់ពីការស៊ើបអង្កេតរបស់ ACU ទៅលើករណីលោក ស៊ុត ឌីណា ឯកអគ្គរាជទូតខ្មែរប្រចាំនៅប្រទេសកូរ៉េខាងត្បូង មុននឹងឈានទៅឃាត់ខ្លួនបញ្ជូនទៅកាន់តុលាការ។ លោក ឱម យ៉ិនទៀង ថា លោក ស៊ុត ឌីណា មើលងាយច្បាប់ តាមរយៈទង្វើរបស់ខ្លួន។ ACU នៅសល់ភស្តុតាង២ភាគ៣ទៀត ដែលលោក ឱម យ៉ិនទៀង អះអាងថា នៅមិនទាន់ប្រើប្រាស់ប្រឆាំងនឹងលោក ស៊ុត ឌីណា នៅឡើយ។ បទសម្ភាសជុំវិញករណី លោក ស៊ុត ឌីណានេះ គឺជាបទសម្ភាសដែលលោក ឱម យ៉ិនទៀង អះអាងថា លម្អិតជាងគេបង្អស់។
