កន្លែងស្នាក់នៅបណ្ដោះអាសន្នរបស់ពលរដ្ឋប៊ូឌីញនៅក្រោយមន្ទីរពេទ្យរ៉ូយ៉ាល់ភ្នំពេញ
ក្រសួងរៀបចំដែនដីនគររូបនីយកម្មនិងសំណង់បានជ្រើសយកទីតាំងនៅក្រោយមន្ទីរពេទ្យរ៉ូយ៉ាល់ភ្នំពេញ ជាកន្លែងស្នាក់នៅបណ្ដោះអាសន្នរបស់ពលរដ្ឋកំពុងរស់នៅអាគាប៊ូឌីញ ប្រសិនបើពួកគាត់ព្រមទទួលយកលក្ខខណ្ឌអភិវឌ្ឍនៅនឹងកន្លែង។ ទីកន្លែងស្នាក់នៅបណ្ដោះអាសន្ននឹងត្រូវសាងសងឡើងជាលក្ខណៈលំនៅដ្ឋានហើយប្រព័ន្ធទឹកភ្លើងនឹងទៅដល់នោះស្រាប់។ សូមបញ្ជាក់ថា មន្ទីរពេទ្យរ៉ូយ៉ាល់ភ្នំពេញស្ថិតនៅ ផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ ។
ចុះផ្សាយនៅថ្ងៃ៖
ទោះជាក្រសួងដែនដីនគររូបនីយកម្មនិងសំណង់បានបង្ហាញពីទីកន្លែងស្នាក់នៅ
បណ្ដោះអាសន្នរួចហើយក៏ដោយប៉ុន្តែក្រសួងនៅមិនទាន់ដឹងពីចេតនាពិតរបស់ពលរដ្ឋកំពុងរស់នៅអាគារប៊ូឌីញថា ពួកគេយល់ព្រមទទួលលក្ខខណ្ឌអភិវឌ្ឍនៅនឹងកន្លែងឬក៏ទទួលយកជាប្រាក់ជាថ្នូរនឹងការចាកចេញនោះទេ គិតរហូតមកដល់ពេលនេះ។
ប៉ុន្តែជំហររបស់ក្រសួងចង់ឲ្យពលរដ្ឋជ្រើសយកការអភិវឌ្ឍនៅនឹងកន្លែង។ ការអភិវឌ្ឍន៍នៅនឹងកន្លែងសម្រាប់ក្រសួងគឺជាជម្រើសមួយល្អព្រោះថា បន្ទប់នីមួយៗមានទំហំធំជាងបន្ទប់ចាស់រហូតដល់ទៅ១០ភាគរយ។ ហើយពលរដ្ឋនឹងទទួលបានផលចំណេញផ្សេងទៀត។
តែយ៉ាងណាមិញលោក សេង ឡូត អ្នកនាំពាក្យក្រសួងដែនដីឲ្យដឹងថា ក្រសួងនឹងជួបជាមួយពលរដ្ឋជាង៥០០នាក់ជាលើកទី៣ក្នុងពេលឆាប់ៗនេះ។ ជាការជួបដើម្បីស្វែងរកការឯកភាពរួម។
សូមបញ្ជាក់ថា គម្រោងនៃការជួសជុលអាគារប៊ូឌីញគឺត្រូវប្រើរយៈពេលសាងសងជិតបួនឆ្នាំនិងមានកម្ពស់២១ជាន់។ ហើយបន្ទប់នីមួយៗមានទំហំចន្លោះពី៥០ទៅ៦០ម៉ែត្រការ៉េពោលគឺមានទំហំធំជាងមុន។ គម្រោងនេះត្រៀមប្រើប្រាស់ទឹកប្រាក់ជិត៨០លានដុល្លារ។
ជួបជាមួយពលរដ្ឋកាលពីថ្ងៃទី៨វិច្ឆិកាលោក ជា សុផារ៉ា បានបង្ហាញការប្ដេជ្ញាថា លោកនឹងធ្វើឲ្យគម្រោងទទួលបានជោគជ័យមិនថាក្នុងអាណត្តិរបស់លោកជារដ្ឋមន្ត្រីក្រសួងរៀបចំដែនដីឬក៏លោកត្រូវបានផ្លាស់ប្ដូរនោះទេ។ សម្រាប់លោកបើគម្រោងមិនទទួលបានជោគជ័យរូបលោកនឹងមានវិប្បដិសារី។ ប៉ុន្តែយ៉ាងណាមិញលោកបន្ថែមថា នៅពេលដែលការសាងសងសម្រេចបានពាក់កណ្ដាល១០០ភាគរយលោកនឹងចេញប្លង់កម្មសិទ្ធិជូនពលរដ្ឋជាង៥០០គ្រួសាររស់នៅក្នុងអាគារប៊ូឌីញនេះតែម្ដង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ