សាលារាជធានីភ្នំពេញនឹងចុះចាប់ឧបករណ៍របស់តន្រ្តីជនពិការសារជាថ្មី
នៅថ្ងៃទី៣០ ខែមិថុនានេះ គឺជាថ្ងៃដែលអាជ្ញាធរសាលារាជធានី ប្រកាសថានឹងបានចាប់ផ្តើមប្រតិបត្តិការណ៍ចុះរឹបអូសសម្ភារៈតន្ដ្រីជនពិការ តាមដងផ្លូវទាំងអស់ជាថ្មីម្តងទៀត។ ការកំណត់ស្តីពី ការបោសសំអាតតន្រ្តីជនពិការនៅតាមដងផ្លូវ ក៏ព្រោះតែសាលារាជធានីភ្នំពេញបានពិនិត្យឃើញថា សកម្មភាពតន្រ្តីជនពិការបានចាប់ផ្តើមកក្រើកសារជាថ្មីម្តងទៀត ដែលជាហេតុធ្វើអោយមានការប៉ះពាល់យ៉ាងធ្ងន់ធ្ងរ ទៅដល់ភ្ញៀវទេសចរ និងសោភ័ណភាពទីក្រុង។ ជាគោលការណ៍សាលារាជធានីភ្នំពេញមិនអនុញ្ញាតអោយមានការលេងតន្រ្តីនៅតាមទីសារធារណៈរបស់ក្រុមតន្រ្តីជនពិការនោះទេ ដោយសារការធ្វើបែបនេះ បានធ្វើអោយមានការកកស្ទះចរាចរណ៌ និងបង្ហាញពីភាពអនាធិបតេយ្យ ដែលធ្វើអោយបាត់បង់សណ្តាប់ធ្នាប់ទីសារធារណៈរបស់ទីក្រុងភ្នំពេញ។ក៏ប៉ុន្តែ ជាក់ស្តែង លោកចាន់ ថន ដែលជាជនពិការមួយរូប តែងតែយករបរមួយនេះ ដើម្បីចិញ្ជឹមក្រពះរបស់ខ្លួននៅម្តុំអាងទឹកស្តាតអូឡាំពិច បានសម្តែងពីការព្រួយបារម្ភ និងទំនងជាមិនព្រមបោះបង់ ការប្រគុំតន្រ្តីជនពិការ ដែលជាឆ្នាំងបាយរបស់លោកនេះទេ។អត្តបទដោយ អ៊ឹង ឈួន
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:១១