បទយកការណ៍
ពលរដ្ឋខ្មែរនៅតែចាប់អារម្មណ៍ ពេលសវនាការកាត់ទោសអតីតមេដឹកនាំខ្មែរក្រហម
ចុះផ្សាយនៅថ្ងៃ៖
ស្តាប់ - ០៩:២៨
អង្គជំនុំជម្រះតុលាការកំពូលនៃសាលាក្តីខ្មែរក្រហមនៅព្រឹកថ្ងៃទី២ខែកក្កដានេះ បានបើកសវនាការលើបណ្តឹងសាទុក្ខក្នុងសំណុំរឿង០០២វគ្គ០១ (០០២/០១) ដែលមានជនជាប់ចោទ នួន ជា និងខៀវ សំផន។ នួន ជា និងខៀវ សំផន អតីតមេដឹកនាំជាន់ខ្ពស់នៃរបបខ្មែរក្រហម ត្រូវបានតុលាការសាលាដំបូងនៃសាលាក្តីនេះ កាត់ទោសឲ្យជាប់ពន្ធនាគារអស់មួយជីវិត កាលពីថ្ងៃទី៧ខែសីហាឆ្នាំ២០១៤។ ប៉ុន្តែ អតីតមេដឹកនាំកំពូលទាំងពីរមិនព្រម ហើយបានប្តឹងជំទាស់។ សវនាការនៅថ្ងៃទី១ក្នុងចំនោមសវនាការ៤ថ្ងៃនេះ គេបានកត់សំគាល់ថា ពលរដ្ឋខ្មែរនៅតែចាប់អារម្មណ៍ ពេលតុលាការកាត់ទោសអតីតមេដឹកនាំខ្មែរក្រហម។
