ចាងហ្វាងសាលាឯកជននិងតំណាងរាស្ត្របក្សប្រឆាំងចង់ឲ្យបង្កើតច្បាប់រឹតបណ្តឹងចំពោះការឈប់សម្រាករបស់សិស្សសាលា
ចុះផ្សាយនៅថ្ងៃ៖
ស្តាប់ - ១១:១១
ថ្ងៃនេះ ជាថ្ងៃចូលឆ្នាំចិន! គេដឹងជាទូទៅហើយថា រាល់ពេលឱកាសបុណ្យចូលឆ្នាំចិន-វៀតណាមម្តងៗ តែងតែមានសិស្សអវត្តមាន មិនទៅសាលា។ អ្នកនាំពាក្យក្រសួងអប់រំ បានជំរុញឲ្យអាណាព្យាបាល លើកចិត្តកូនឲ្យទៅរៀន ហើយ លោក រស់ សាលីន បញ្ជាក់ថា សាលារដ្ឋបើកទ្វារបង្រៀនដូចធម្មតា។ ចំណែកសាលាឯកជនខ្លះ ត្រូវបង្ខំចិត្តបិទទ្វារ ព្រោះគ្មានសិស្សទៅរៀន។ ហេតុនេះ ទើបចាងហ្វាងសាលាឯកជននិងអ្នកតំណាងរាស្ត្ររបស់សមាជិកគណៈកម្មការ ទី៧ ចង់ជំរុញឲ្យមានការបង្កើតច្បាប់រឹតបណ្តឹងការឈប់សម្រាក ដែលខុសពីការចែងរបស់រដ្ឋាភិបាល។ លើសពីនេះ ពួកគេស្នើសុំថា គួរតែលុបចោលថ្ងៃឈប់សម្រាកណាដែលមិនចាំបាច់ផងដែរ ព្រោះនៅស្រុកខ្មែរមានថ្ងៃឈប់សម្រាកបុណ្យទានច្រើនពេក។
