នៅកម្ពុជា មានជនបរទេសកាន់កាប់និងប្រើប្រាស់ឯកសារមិនត្រឹមត្រូវជាង៧ម៉ឺននាក់
លោក សុខ ផល អគ្គនាយកនៃអគ្គនាយកដ្ឋានអន្តោប្រវេសន៍នៃក្រសួងមហាផ្ទៃ បានគូសបញ្ជាក់ថា បច្ចុប្បន្ន នៅកម្ពុជា មានជនបរទេសកាន់កាប់និងប្រើប្រាស់ឯកសារមិនត្រឹមត្រូវជាង៧ម៉ឺននាក់។ ការបញ្ជាក់របស់លោក សុខ ផល នេះ ធ្វើឡើងនៅក្នុងពិធីប្រជុំផ្សព្វផ្សាយស្ដីពីការលុបចោលនិងដកហូតឯកសាររដ្ឋបាលកម្ពុជាមិនប្រក្រតី ដែលជនបរទេសកំពុងកាន់កាប់ប្រើប្រាស់ នៅឯក្រសួងមហាផ្ទៃ នាថ្ងៃពុធនេះ។
ចុះផ្សាយនៅថ្ងៃ៖
ឯកសារមិនត្រឹមត្រូវដែលជនបរទេសទាំងនោះកាន់កាប់ប្រើប្រាស់ មានដូចជា សៀវភៅស្នាក់នៅ សៀវភៅគ្រួសារ អត្តសញ្ញាណបណ្ណ លិខិតឆ្លងដែន និងឯកសារផ្សេងៗទៀត។ បើតាមលោក សុខ ផល អាជ្ញាធរបានដកហូតឯកសារទាំងនោះពីជនបរទេស មុននឹងពិនិត្យទៅលើជនបរទេសទាំងនោះ ថាតើពួកគេមានលទ្ធភាពសុំជាជនអន្តប្រវេសន៍នៅកម្ពុជាបានដែរឬទេ។
ក្រៅពីសំណុំរឿងនេះ លោក សុខ ផល ក៏បានបង្ហើបប្រាប់អ្នកកាសែតផងដែរថា អាជ្ញាធរបានរកឃើញមុខសញ្ញាជនបរទេស ដែលសង្ស័យធ្វើចារកម្មនៅស្រុកខ្មែរ។ ប៉ុន្តែការស្រាវជ្រាវនេះ ស្ថិតក្នុងដំណាក់កាលប្រមូលភស្តុតាងជាមុនសិន មុននឹងបញ្ជូនទៅកាន់តុលាការដើម្បីពិនិត្យនិងសម្រេច៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ