អុំទូក៖ តើគួរគ្រប់គ្រងនិងសម្អាតសំរាមយ៉ាងដូចម្តេច?
ចុះផ្សាយនៅថ្ងៃ៖
ស្តាប់ - ១២:៣៣
ជារៀងរាល់ឆ្នាំ គេសង្កេតឃើញថា ក្នុងអំលុងពេលអុំទូក គឺមានគំនរសំរាមជាច្រើន ដែលបង្កជះក្លិនស្អុយឆ្អេះឆ្អាប ប៉ះពាល់ដល់សោភណភាពទីក្រុង និងរំខានដល់ភ្ញៀវទេសចរ។ នៅឆ្នាំនេះ សាលារាជធានីភ្នំពេញ បានសហការជាមួយក្រុមហ៊ុនប្រមូលសំរាម ដាក់ពង្រាយបុគ្គលិកប្រមូលសំរាម ចំនួនជាង១៧០០នាក់ បែកចែកជាពីរវេន ដើរសម្អាតទាំងថ្ងៃទាំងយប់។ ទន្ទឹមនឹងនេះ គឺមានរថយន្តប្រមូលសំរាម ជាង១៦០គ្រឿង ហើយធុងនិងជាលដាក់សំរាម មានរាប់ពាន់ធុងផងដែរ។ ចំណែកអ្នកវិភាគ និង មន្ត្រីសង្គមស៊ីវិលដែលធ្វើការប្រឆាំងនឹងថង់ប្លាស្ទិក លើកឡើងថា អាជ្ញាធរនិងអ្នកប្រមូលសំរាម ត្រូវតែធ្វើការឲ្យរហ័ស ព្រមទាំងត្រូវពន្យល់អ្នកលក់ដូរចំណីអាហារ ឲ្យប្រយ័ត្នពីកាកសំរាមរបស់ហាងខ្លួន។