ព្រឹត្តិការណ៍កម្ពុជាប្រចាំថ្ងៃ
ការពិគ្រោះយោបល់សុំការគាំទ្រជាមួយម្ចាស់ឆ្នោតចំៗរងការរិះគន់តិចជាងការគាំទ្រ
ចុះផ្សាយនៅថ្ងៃ៖
ស្តាប់ - ០៩:៥០
នៅក្នុងការចុះពិនិត្យមើលពីវឌ្ឍនភាពការងារនៅខេត្តតាកែវ កាលពីពេលថ្មីៗនេះ លោកនាយករដ្ឋមន្ត្រីហ៊ុន សែន បានថ្លែងសាកសួរត្រង់ៗទៅកាន់សិស្សានុសិស្សនៃសាលាមួយ ហើយលោកទទួលបានចម្លើយភ្លាមៗថា បោះឆ្នោតឲ្យ«សម្តេច»។ កាលលើកឡើងបែបសំណេះសំណាលជាសំណួរ និងចម្លើយបែបនេះ ត្រូវរងការរិះគន់ផងការគាំទ្រផងពីអ្នកតាមដានការបោះឆ្នោតនៅកម្ពុជា និងគណបក្សនយោបាយ ដែលមាននិន្នាការផ្ទុយគ្នា ខណៈដែលយុទ្ធនាការបោះឆ្នោតក្រុមប្រឹក្សាឃុំ សង្កាត់ឆ្នាំ២០១៧ និងការបោះឆ្នោតសកលឆ្នាំ២០១៨ មិនទាន់ឈានចូលមកដល់នៅឡើយ។