អ្នកវិភាគយល់ថាការដុះក្អែលមន្ត្រីនៅភ្នំពេញពីសំណាក់នាយករដ្ឋមន្ត្រីទំនងជាទាញសន្លឹកឆ្នោតពីពលរដ្ឋមកវិញខ្លះ
ចុះផ្សាយនៅថ្ងៃ៖
ស្តាប់ - ១០:៥៧
ម្សិលមិញ លោក ហ៊ុន សែន បានបើកវេទិកាសាធារណៈជាមួយគណៈអភិបាលរាជធានីភ្នំពេញ ដែលទីក្រុងភ្នំពេញ គឺជាគោលដៅចុងក្រោយនៃដំណើរទស្សនកិច្ច ២៥រាជធានី ខេត្ត របស់លោកនាយករដ្ឋមន្ត្រី។ លទ្ធផលនៃវេទិកានោះមិនត្រូវបានទម្លាយចេញនោះទេ ដោយមន្ត្រីសាលារាជធានីគ្រាន់តែបង្ហើបថា លោក ហ៊ុន សែន បានក្រើនឲ្យយកចិត្តទុកដាក់បំរើសេវាសាធារណៈជូនពលរដ្ឋឲ្យកាន់តែប្រសើរ។ សម្រាប់អ្នកតាមដានការអភិវឌ្ឍសង្គមថាជំនួបនោះ គឺជាការដុះក្អែលមន្ត្រី ដើម្បីទាញសន្លឹកឆ្នោត ដែលបាត់បង់ទៅឲ្យគណបក្សសង្គ្រោះជាតិត្រឡប់មកវិញ។ ពួកគេនៅមើលឃើញថា អាជ្ញាធរនៅតែមិនទាន់ធ្វើឲ្យគ្រប់យ៉ាងនៅរាជធានីភ្នំពេញមានភាពល្អប្រសើរឡើង ក្រោយការបោះឆ្នោតឆ្នាំ ២០១៣។