លោកអាត់ ធន់៖ «សហជីពដែលជាប់បណ្តឹងតុលាការនឹងជួបការលំបាកក្នុងការចុះបញ្ជីការ»
ចុះផ្សាយនៅថ្ងៃ៖
ស្តាប់ - ១១:៥៤
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃព្រហស្បតិ៍នេះគឺលោកអាត់ ធន់ ប្រធានសហភាពការងារកម្ពុជានិងជាប្រធានសហជីព ស៊ី.ខៅ.ឌូ។ ដោយមើលឃើញថាការចុះបញ្ជីសហជីពនៅតាមរោងចក្រមូលដ្ឋានរបស់សម្ព័ន្ធសហជីពចំនួន៨ ដែលបានតវ៉ាទាមទារការដំឡើងប្រាក់ឈ្នួលកន្លងមក មានការធ្លាក់ចុះខ្លាំង លោកអាត់ ធន់ បានឲ្យដឹងថារដ្ឋាភិបាលតាមរយៈក្រសួងការងារ មានការរឹតត្បិតកាន់តែខ្លាំងនៅក្នុងការស្នើសុំចុះបញ្ជី។ ឧបសគ្គ ដែលជាការព្រួយបារម្ភរបស់លោកអាត់ ធន់ ក៏ដូចជាអ្នកសហជីពឯទៀតនៅក្នុងសម្ព័ន្ធនោះគឺទាំងលក្ខខណ្ឌបច្ចុប្បន្ន ទាំងច្បាប់ស្តីពីការគ្រប់គ្រងសហជីពតម្រូវឲ្យអ្នកសហជីពមានលិខិតថ្កោលទោស ខណៈដែលមេដឹកនាំសហជីពនៅជាប់បណ្តឹងតុលាការ និងការតម្រូវឲ្យមានលក្ខខណ្ឌដែលសហជីពយល់ថាមានការលំបាកផ្សេងៗទៀត។