បទសម្ភាស
លោកឡុង ឌីម៉ង់៖ ពលករខ្មែរដែលស្លាប់នៅកូរ៉េខាងត្បូង ភាគច្រើនដោយសារជំងឺគាំងបេះដូង
ចុះផ្សាយនៅថ្ងៃ៖
ស្តាប់ - ១០:៥៧
នៅថ្ងៃនេះ អ្នកនាំពាក្យក្រសួងការបរទេសកម្ពុជាតាមរយៈសេចក្តីប្រកាសព័ត៌មានមួយបានបញ្ជាក់ថាស្ថានទូតកម្ពុជានៅកូរ៉េខាងត្បូងកំពុងទាមទារប្រាក់ធានារ៉ាប់រងជូនដល់ពលករខ្មែរ២នាក់ដែលបាត់បង់ជីវិតនៅក្នុងប្រទេសនេះ។ ពលករខ្មែរទាំងពីរនាក់នោះ ម្នាក់ស្លាប់កាលពីចុងខែធ្នូ និងម្នាក់ទៀតបានស្លាប់នៅដើមខែមករាឆ្នាំ២០១៧នេះ។ លោកឡុង ឌីម៉ង់ ឯកអគ្គរាជទូតកម្ពុជាប្រចាំកូរ៉េខាងត្បូងបានបញ្ជាក់ប្រាប់ពីប្រទេសកូរ៉េខាងត្បូងថា ពួកគេទាំងពីរបានស្លាប់ដោយសារតែជំងឺគាំងបេះដូង។ ជាមួយគ្នានេះ លោកឡុង ឌីម៉ង់ ក៏បានកត់សម្គាល់ផងដែរថា ពលករខ្មែរដែលស្លាប់នៅកូរ៉េខាងត្បូង គឺភាគច្រើនដោយសារជំងឺនេះតែម្តង។
