លោក ឆាយ វិសុទ្ធ៖ កំណត់ហេតុជនរងគ្រោះក្នុងគុកទួលស្លែង នឹងត្រូវបង្ហាញក្នុងប្រព័ន្ធកុំព្យូទ័រ
ចុះផ្សាយនៅថ្ងៃ៖
ស្តាប់ - ១១:៥៩
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ឆាយ វិសុទ្ធ ប្រធានសារមន្ទីរគុកទួលស្លែង។ ឆ្លើយតបនឹងសំណួររបស់វិទ្យុបារាំងអន្តរជាតិ RFI លោក ឆាយ វិសុទ្ធ ប្រធានសារមន្ទីរទួលស្លែងបានលើកឡើងថា មានឯកសារជាង៤សែនទំព័រ ដែលត្រូវបានរកឃើញនៅក្នុងគុកទួលស្លែង នឹងត្រូវចម្លងចូលទៅក្នុងប្រព័ន្ធកុំព្យូទ័រ សម្រាប់រក្សាទុក សម្រាប់ការសិក្សារបស់យុវជនជំនាន់ក្រោយ។ សូមបញ្ជាក់ថា នៅព្រឹកថ្ងៃទី ២៩ មករា នេះ សារមន្ទីរទួលស្លែង បានប្រកាសពីការអនុវត្តគម្រោងអភិរក្សនិងបញ្ចូលបណ្ណសារសារមន្ទីរទួលស្លែង ទៅក្នុងប្រព័ន្ធកុំព្យូទ័រដែលធ្វើឡើងរវាងអង្គការ UNESCO និងក្រសួងវប្បធម៌និងវិចិត្រសិល្បៈ ក្រោមជំនួយឧបត្ថម្ភរបស់ទីភ្នាក់ងារសហប្រតិបត្តិការអន្តរជាតិកូរ៉េ (KOICA) ក្នុងរយៈពេលពីរឆ្នាំ។
