លោក ជិន ច័ន្ទវាសនា ៖ «ទឹកចិត្តគ្រូបង្រៀន និងការអភិវឌ្ឍសាលារៀន គឺសំខាន់ដូចគ្នា សម្រាប់គុណភាពអប់រំ»
ចុះផ្សាយនៅថ្ងៃ៖
ស្តាប់ - ១២:១៨
នៅថ្ងៃអង្គារនេះ អង្គការស៊ីវិលមួយចំនួន ដែលធ្វើការងារលើវិស័យអប់រំ បានប្រកាសបើក «យុទ្ធនាការសប្តាហ៍សកម្មភាពជាសកលសម្រាប់ការអប់រំ» ដែលជា យុទ្ធនាការប្រចាំឆ្នាំមួយ ប្រារព្ធឡើង ចាប់ផ្តើមពីថ្ងៃទី២៣ ដល់ថ្ងៃទី២៩ ខែមេសា ក្នុងពេលតំណាលគ្នាជាមួយនឹងប្រទេសផ្សេងទៀតនៅជុំវិញពិភពលោក។ ប្រធានបទសម្រាប់ការអប់រំនៅកម្ពុជា ក្នុងឆ្នាំ២០១៧នេះ គឺ «ហិរញ្ញប្បទានវិស័យអប់រំ»។ លោក ជិន ច័ន្ទវាសនា នាយកប្រតិបត្តិ អង្គការភាពជាដៃគូអប់រំនៃអង្គការក្រៅរដ្ឋាភិបាល សង្កេតឃើញថា តាំងពីបើកយុទ្ធនាការលើកទីមួយ ក្នុងឆ្នាំ២០១៦ ដើម្បីជំរុញឲ្យរាជរដ្ឋាភិបាលកម្ពុជា បង្កើនថវិកាឲ្យបាន២០ភាគរយនៃថវិកាជាតិសម្រាប់វិស័យអប់រំ មកទល់នឹងឆ្នាំ២០១៧នេះ ការបែងចែងថវិកាជាតិ សម្រាប់វិស័យអប់រំ គឺមានការកើនឡើង និងកំពុងវិវឌ្ឍន៍ទៅរកភាពវិជ្ជមាន។ លោក រំលឹកថា ការជម្រុញថវិកាដើម្បីអភិវឌ្ឍសាលារៀន ក៏មានសារសំខាន់សម្រាប់គុណភាពអប់រំដូចគ្នា ខណៈថវិកាវិស័យអប់រំ ៨០% គ្រោងចំណាយទៅលើប្រាក់បៀវត្សមន្រ្តីអប់រំ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ