លោក ឡុង កុសល៖ អង្គរវត្តអាចនឹងដកចេញពីបញ្ជីបេតិកភណ្ឌពិភពលោក បើមិនរុះរើសំណង់ខុសច្បាប់
ចុះផ្សាយនៅថ្ងៃ៖
ស្តាប់ - ១២:១៩
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ឡុង កុសល អ្នកនាំពាក្យអាជ្ញាធរជាតិអប្សរា។ អាជ្ញាធរជាតិអប្សរា បានព្រមានពីការប្រើ យុទ្ធនាការក្តៅ រុះរើសំណង់ខុសច្បាប់ក្នុងតំបន់រមណីយដ្ឋានអង្គរ ដែលគ្រោងនឹងធ្វើចាប់ពីសប្តាហ៍ទី៣នៃខែកក្កដាខាងមុខនេះ។ បើតាមលោក ឡុង កុសល ដែលជាភ្ញៀវរបស់វិទ្យុបារាំងនៅរាត្រីនេះ ថា បើអាជ្ញាធរមិនចាត់វិធានការរុះរើសំណង់ដែលអាជ្ញាធរចាត់ទុកថា ខុសច្បាប់ ដែលសាងសង់ឡើងក្នុងពេលឃោសនាបោះឆ្នោតឃុំសង្កាត់កន្លងទៅជាង៥០០នោះ នោះប្រាសាទអង្គរវត្ត នឹងប្រឈមនឹងការដកចេញពីបញ្ជីបេតិកភណ្ឌពិភពលោករបស់អង្គការយូណេស្កូ នាថ្ងៃអនាគត។