លោកសុខ ទូច៖ លិខិតសុំអន្តរាគមន៍របស់សង្រ្គោះជាតិ គឺជាការដាក់សម្ពាធលើព្រះមហាក្សត្រ
ចុះផ្សាយនៅថ្ងៃ៖
ស្តាប់ - ១២:០៨
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក សុខ ទូច អនុប្រធានរាជបណ្ឌិតសភាកម្ពុជា។ វិទ្យាស្ថានទំនាក់ទំនងអន្តរជាតិ និងលេខាធិការដ្ឋានបណ្ឌិតសភាចារ្យ នៃរាជបណ្ឌិតសភាកម្ពុជា នៅថ្ងៃទី ១៩ កក្កដា នេះ បានរៀបចំកិច្ចពិភាក្សាតុមូល ដោយបានអញ្ជើញគ្រប់ភាគីគណបក្សនយោបាយជជែកពីវិសោធនកម្ម ច្បាប់ស្តីពីគណបក្សនយោបាយ។ គោលដៅនៃកិច្ចពិភាក្សា គឺដើម្បីជម្រះមន្ទិលមហាជនដែលបានរិះគន់ទៅលើវិសោធនកម្មច្បាប់ និងដែលគណបក្សប្រឆាំងចាត់ទុកថា គឺសំដៅលើលោក សម រង្ស៊ី។ តែកិច្ចពិភាក្សានេះ មិនទទួលបានការចូលរួមពីតំណាងគណបក្សសង្រ្គោះជាតិនោះទេ។ ផ្ទុយពីនេះលោក សុខ ទូច ដែលជាអនុប្រធានរាជបណ្ឌិត្យសភាកម្ពុជា បានចាត់ទុកថា លិខិតសុំអន្តរាគមន៍ពីព្រះមហាក្សត្រ កុំឲ្យឡាយព្រះហត្ថលេខាលើវិសោធនកម្មច្បាប់នេះថា គឺជាការដាក់សម្ពាធទៅលើព្រះមហាក្សត្រទៅវិញទេ។