អាដហុក៖ រឿងដីធ្លីស្មុគស្មាញនៅកម្ពុជា គឺដោយសារអ្នកមានអំណាច និងមានលុយ
ចុះផ្សាយនៅថ្ងៃ៖
ស្តាប់ - ០៧:៥៤
អង្គការសិទ្ធមនុស្សអាដហុក បានចេញរបាយការណ៍ប្រចាំឆ្នាំស្តីពីបញ្ហាដីធ្លីនៅកម្ពុជា។ របាយការណ៍ដែលមានកម្រាស់ប្រមាណជិត៥០ទំព័រ បានសិក្សាពីបញ្ហាចម្រូងចម្រាស់ដីធ្លីពីឆ្នាំ២០១៤ រហូតដល់ឆមាសទី១ ឆ្នាំ២០១៥។ អាដហុកបានគូសបញ្ជាក់ថា ជម្លោះដីធ្លីស្មុគស្មាញនៅកម្ពុជា គឺបណ្តាលមកពីអ្នកមានអំណាច និងអ្នកមានប្រាក់ ដែលតុលាការគ្មានសមត្ថភាពក្នុងការកាត់ក្តី។ គិតត្រឹម៦ខែដើមឆ្នាំ២០១៥ជម្លោះដីធ្លីបានកើតឡើងជាង៦០ករណី ដែលធ្វើឱ្យប៉ះពាល់ដល់គ្រួសារប្រមាណជាង៣ពាន់គ្រួសារ ក្នុងខេត្តសៀមរាប កំពង់ចាម ក្រចេះ និងខេត្តបន្ទាយមានជ័យ។ ក្រសួងរបស់រដ្ឋាភិបាល បានអះអាងថាខ្លួនកំពុងតែបន្តយន្តការដោះស្រាយបញ្ហាដីធ្លីនេះជាបន្តទៀត។ ដោយឡែកអ្នករំលោភបំពានអំណាចក៏កំពុងត្រូវបានអនុវត្តតាមច្បាប់ផងដែរ។