ពីនិយាយអង់គ្លេសគេស្តាប់មិនបាន លោក លី សុជាតិ បានសម្រេចសរសេរសៀវភៅបញ្ចេញសំឡេងភាសាអង់គ្លេសបែបអាមេរិកាំង!
ចុះផ្សាយនៅថ្ងៃ៖
ស្តាប់ - ១៣:៤៧
ព្រឹទ្ធាចារ្យ លី សុជាតិ បានទៅរស់នៅសហរដ្ឋអាមេរិក ជាង៣០ឆ្នាំហើយ។ ពីដំបូងឡើយ លោកនិយាយភាសាអង់គ្លេសមិនបានល្អ និងធ្វើឲ្យជនជាតិអាមេរិកស្តាប់មិនបាន។ ដោយតូចចិត្តចំពោះខ្លួនឯងដែលរៀនអង់គ្លេសក្នុងសម័យ លន់ នល់ ដែរ តែបែរជាប្រើនៅអាមេរិកមិនកើត, លោក លី សុជាតិ បានខំប្រឹងកត់ចំណាំទាំងយប់ទាំងថ្ងៃ រហូតដល់សម្រេចសរសេរសៀវភៅមួយក្បាល។ នោះគឺសៀវភៅ 24 hours English Pronunciation ឬ អង់គ្លេស២៤ម៉ោង វិធីបន្លឺសំឡេង ហើយបោះពុម្ពនៅឆ្នាំ២០១៦។ លោក លី សុជាតិ ខំសន្សំបទពិសោធប្រហែលជា៣៥ឆ្នាំ ដើម្បីសរសេរសៀវភៅមួយក្បាលនេះ។ សព្វថ្ងៃនេះ គេអាចរកទិញបាននៅស្រុកខ្មែរ។ចំពោះសិស្សនិស្សិតដែលក្រីក្រពិត អាចទាក់ទងទៅលោក និងអាចទទួលបានដោយឥតគិតថ្លៃ។តទៅនេះ សូមស្តាប់បទការណ៍របស់ ហេង ឧត្តម ៖