លីកាដូទះកំភ្លៀង World Bank និងទីភ្នាក់ងារអាឡឺម៉ង់ GIZ រឿងគម្រោងបែងចែកដីធ្លីសង្គមកិច្ច
ចុះផ្សាយនៅថ្ងៃ៖
ស្តាប់ - ១០:០៩
នៅថ្ងៃពុធទី២៤មិថុនាម្សិលមិញនេះ អង្គការសម្ព័ន្ធខ្មែរជំរឿន និងការពារសិទ្ធិមនុស្ស ហៅកាត់ថា លីកាដូ បានចេញផ្សាយរបាយការណ៍មួយកម្រាស់ជាង២០ទំព័រ ដោយដាក់ចំណងជើងថា «ដីដែលមិនអាចដាំដំណាំបាន និងការពិនិត្យទៅលើសម្បទានដីសង្គមកិច្ច»។ ជារបាយការណ៍ ដែលបានទះកំភ្លៀងទៅលើធនាគាពិភពលោក (World Bank) និងទីភ្នាក់ងារកិច្ចសហប្រតិបត្តិការអាឡឺម៉ង់ (GIZ) ព្រោះជាអ្នកដែលបានផ្តល់ជំនួយទៅឲ្យរដ្ឋាភិបាលកម្ពុជា ជាអ្នកអនុវត្តគម្រោងផ្តល់ដីសម្បទានសង្គមកិច្ចនេះ ដែលលីកាដូ ចាត់ទុកថា បរាជ័យ ។ ប៉ុន្តែ មន្រ្តីក្រសួងដែនដី នគររោបនីយកម្ម បានទាត់ចោលរបាយការណ៍នេះ និងបានចាត់ទុកថា ជារបាយការណ៍ដែលខ្វះការពិត។
