កម្ពុជាពង្រឹងការត្រួតពិនិត្យរកមេរោគMERS នៅតាមអាកាសយានដ្ឋាននិងច្រកព្រំដែនអន្តរជាតិ
រដ្ឋមន្ត្រីក្រសួងសុខាភិបាល លោកម៉ម ប៊ុនហេង បានចុះត្រួតពិនិត្យការងារពិនិត្យសុខភាពភ្ញៀវទេសចរនៅឯអាកាសយានដ្ឋានអន្តរជាតិភ្នំពេញនៅព្រឹកថ្ងៃអង្គារទី ២៣ មិថុនានេះ ក្នុងគោលបំណងពង្រឹងការត្រួតពិនិត្យរកមេរោគMERS សម្រាប់អ្នកដំណើរដែលបានឆ្លងកាត់ចូលមកក្នុងប្រទេសកម្ពុជា។ លោករដ្ឋមន្ត្រីបានថ្លែងប្រាប់វិទ្យុបារាំងថា រហូតមកដល់នឹងពេលនេះ កម្ពុជាបានដាក់ម៉ាស៊ីនស្កែនពិនិត្យសុខភាពធំចំនួនពីរហើយនៅអាកាសយានដ្ឋានអន្តរជាតិភ្នំពេញ និងនៅច្រកទ្វារព្រំដែនអន្តរជាតិប៉ោយប៉ែត។ ដោយឡែកនៅតាមច្រកផ្សេងទៀតក៏មានការត្រួតពិនិត្យដោយប្រើម៉ាស៊ីនដៃ សម្រាប់ពិនិត្យសុខភាពរបស់អ្នកដំណើរចេញចូលផងដែរ។ តទៅនេះសូមស្តាប់ប្រសាសន៍របស់លោករដ្ឋមន្ត្រីក្រសួងសុខាភិបាលលើកឡើងពីការព្រួយបារម្ភ និងវិធានការទប់ស្តាត់ចំពោះការរីករាលដាលនៃមេរោគផ្លូវដង្ហើម MERS។
ចុះផ្សាយនៅថ្ងៃ៖
ស្តាប់ - ០១:៣៧
