អង្គការស៊ីប៉ា គ្រោងបណ្តុះបណ្តាលជំនាញខ្លីដល់ទណ្ឌិត
អង្គការស៊ីប៉ាមានគម្រោងបណ្តុះបណ្តាលជំនាញវិជ្ជាជីវៈខ្លីដល់ទណ្ឌិតនៅកម្ពុជាដើម្បីមានបំណិនជីវិតថ្មីក្រោយពេលចេញពីពន្ធនាគារ និងកែប្រែជីវិតថ្មី។ ជាគម្រោងដែលអាចចាប់ផ្តើមនៅត្រីមាសទី២ឆ្នាំ២០១៥ ឬដើមឆ្នាំ២០១៦ ។ ទន្ទឹមនឹងនេះមន្ត្រីពន្ធនាគារលើកទឹកចិត្តប្រសិនបើគម្រោងនេះបានកើតឡើងមែននោះ។
ចុះផ្សាយនៅថ្ងៃ៖
ស្តាប់ - ០១:៥៨
អង្គការស៊ីប៉ាដែលជាអ្នកផ្តល់សៀវភៅអានដល់ទណ្ឌិតនៅតាមពន្ធនាគារមួយចំនួននៅថ្ងៃពុធនេះទី ១៧ ធ្នូនេះ បានបញ្ជាក់ថាខ្លួនមានគម្រោងបង្កើតជំនាញវិជ្ជាជីវៈខ្លីដល់ទណ្ឌិតនៅតាមបណ្តាពន្ធនាគារចំនួន៥នៅទៅទូទាំងប្រទេសកម្ពុជា។ ដែលជាពន្ធនាគារធំៗនិងនៅជិតទីក្រុងភ្នំពេញ។ នេះបើតាមការបញ្ជាក់ពីលោក ហុក សុទ្ធិ នាយកអង្គការស៊ីប៉ា ក្នុងពិធីបើកសិក្ខាសាលាបូកសរុបគម្រោងបណ្ណាល័យពន្ធនាគារ ២០១២-២០១៤។លោកបន្តថា គម្រោងនេះនឹងអាចចាប់ផ្តើមនៅត្រឹមត្រីមាសទី២ឆ្នាំ ២០១៥ ឬដើមឆ្នាំ២០១៦ខាងមុខ។ គម្រោងនេះ មានគោលបំណងច្បាស់លាស់មួយដើម្បីផ្តល់វិជ្ជាជីវៈពិតប្រាកដដល់ទណ្ឌិតណាដែលជិតបញ្ចប់ការបំពេញទោសទណ្ឌរបស់ខ្លួន។
លោក សិទ្ធី បានបន្ថែមថា ការផ្តល់ចំណេះដឹងផ្នែកវិជ្ជាជីវៈដល់ទណ្ឌិតនេះ គឺជាការផ្លាប្តូរស់ចិត្តគំនិត និងឱកាសប្រកបការងារដើម្បីផ្គត់ផ្គង់សេដ្ឋកិច្ចគ្រួសារតាមរយៈការងារសុចរិត្ត និងត្រឹមត្រូវ ហើយអាចជៀសវាងបាននូវការប្រកបការងារខុសច្បាប់សារជាថ្មី។ គម្រោងដែលអង្គការស៊ីប៉ាគ្រោងនឹងបង្កើតនេះ មានដូចមុខជំនាញដូចជា សំអាងការសម្រាប់ទណ្ឌិតស្រីភេទ និងកម្មករបច្ចេកទេសម៉ាស៊ីនសម្រាប់ទណ្ឌិតបុរសជាដើម។ បើតាមលោក ហុក សុទ្ធីដដែល គម្រោងថ្មីនេះ គឺនឹងអាចជួយដល់ទណ្ឌិតប្រមាណ៥០ក្នុងមួយឆ្នាំតែប៉ុណ្ណោះ។
អគ្គរងពន្ធនាគារ លោកស្រី សុខ សម្បតិ្ត បានលើកឡើងថា ពន្ធនាគារគឺមិនត្រឹមតែជាកន្លែងកែប្រែចិត្តគំនិតប៉ុណ្ណោះទេប៉ុន្តែក៏ជាកន្លែងដែលបើកឱកាសឱ្យមានការផ្តល់ចំណេះដឹងវិជ្ជាជីវៈមួយដល់ទណ្ឌិតដើម្បីអាចទៅរួមរស់ក្នុងសង្គមវិញ។ លោកស្រីបានបន្តថា កន្លងមកនៅតាមបណ្តាពន្ធនាគារនៅទូទាំងប្រទេសនៅខ្វះខាតការផ្តល់ចំណេះដឹងវិជ្ជាជីវៈច្បាស់លាស់និងពិតប្រាកដនៅឡើយ។ ពោលគឺមានត្រឹមតែជាការបណ្តុះបណ្តាលមុខជំនាញដែលគ្មានបទដ្ឋានច្បាស់លាស់ ដូចនេះ ពន្ធនាគារពិតជាត្រូវការនៅគ្រូបង្រៀនដែលមានឯកទេសចំណេះដឹងពិតប្រាកដ និងមាននិយាមគរុកោសល្យ។ ទន្ទឹមនឹងការកប្រកាសបង្កើតគម្រោងផ្តល់ចំណេះដឹងជំនាញបច្ចេកទេសដល់ទណ្ឌិតនោះ អគ្គរងពន្ធនាគារស្នើឱ្យអង្គការស៊ីប៉ា ផ្តល់គម្រោងផែនការពិភាក្សាជាក់លាក់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ