មន្រ្តីរដ្ឋាភិបាលអះអាងថា ករណី លោក កឹម សុខា មិនត្រូវបានលើកឡើង ក្នុងជំនួបជាមួយលោកស្រី រ៉ូណា ស្មីត
ប្រធានគណៈកម្មាធិការ សិទ្ធិមនុស្សកម្ពុជា បានអះអាងថា លោកស្រី រ៉ូណា ស្មីត អ្នករាយការណ៍ពិសេស របស់អង្គការសហប្រជាជាតិ ទទួលបន្ទុកសិទ្ធិមនុស្ស ប្រចាំកម្ពុជា មិនបានលើកឡើងពីករណីលោក កឹម សុខា នៅក្នុងជំនួបនារសៀលថ្ងៃចន្ទនេះទេ។
ចុះផ្សាយនៅថ្ងៃ៖ កែប្រែថ្ងៃទី៖
នេះជាការអះអាងរបស់លោក កែវ រ៉េមី ប្រាប់អ្នកសារព័ត៌មានក្រោយជំនួបនោះ។ ប៉ុន្តែលោក កែវ រ៉េមី បញ្ជាក់ថា លោកបានជម្រាបទៅលោកស្រី រ៉ូណា ស្មីត ថាករណីដែលលោក កឹម សុខា ដែលបានមកនៅក្នុងផ្ទះគឺជាការប្រសើរ និងថាជាការគោរពសិទ្ធិមនុស្ស ដោយសារលោក កឹម សុខា មានសុខភាពគាត់មិនល្អ។
សូមបញ្ជាក់ថា លោកស្រី រ៉ូណា ស្មីត បានធ្វើទស្សនកិច្ចផ្លូវការនៅកម្ពុជា ចាប់ពីថ្ងៃទី២៩ តុលា ដល់ថ្ងៃទី ៨ ខែវិច្ឆិកា ហើយបានជួបមន្ត្រីជាន់ខ្ពស់រដ្ឋាភិបាលកម្ពុជា តំណាងមន្ត្រីសង្គមស៊ីវិល និងអ្នកការទូតនៅកម្ពុជា។ ក្នុងនោះលោកស្រីក៏មានបំណងចង់ជួបលោក កឹម សុខា ដែរក្រោយពីលោកបានចេញពីពន្ធនាគារមករស់នៅក្នុងផ្ទះ តែតុលាការបដិសេធ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ