លោក សម រង្ស៊ី ប្រកាសសន្យាដំឡើងស័ក្តិ និងប្រាក់ខែ ដល់កងទ័ពដែលឈរខាងលោក តែក្រសួងការពារជាតិថា ជារឿងបោកប្រាស់ដ៏អាក្រក់បំផុត
លោក សម រង្ស៊ី តាមរយៈវីដេអូឃ្លីបមួយនៅព្រឹកថ្ងៃចន្ទនេះ បានចេញមកបញ្ជាក់ជាថ្មីថា ផែនការមាតុភូមិនិវត្តន៍របស់លោក នៅថ្ងៃទី០៩ វិច្ឆិកាខាងមុខនេះ កំពុងប្រព្រឹត្តទៅដោយរលូន និង គ្មានការប្រែប្រួលឡើយ បើទោះបីអាជ្ញាធរកម្ពុជាបានប្រុងប្រៀបលក្ខណៈសព្វបែបយ៉ាង ដើម្បីត្រៀមចាប់ខ្លួនរូបលោកក៏ដោយ។ ចំណែក ឆ្លើយតបទៅនឹងការហាមប្រាមមិនឲ្យក្រុមហ៊ុនហោះហើរណាដឹករូបលោកមកកម្ពុជាវិញនោះ លោក សម រង្ស៊ី បានគូសបញ្ជាក់ថា លោកនឹងស្វែងរកមធ្យោបាយចូលមកកម្ពុជាឱ្យទាល់តែបាន តាមផែនការគ្រោងទុក។ បន្ថែមលើនេះ និង ជាថ្មីម្តងទៀត លោកប្រធានស្តីទីអតីតគណបក្សសង្រ្គោះជាតិរូបនេះ បានអំពាវនាវដល់កងទ័ពកម្ពុជាកុំឱ្យស្ដាប់តាមបញ្ជារបស់លោកនាយករដ្ឋមន្រ្តី ហ៊ុន សែន និង ងាកមកចូលរួមនឹងដំណើរមាតុភូមិនិវត្តន៍របស់លោកវិញ។ មិនតែប៉ុណ្ណោះ លោក សម រង្ស៊ី ថែមទាំងសន្យាដំឡើងឋានន្តរស័ក្តិ និងប្រាក់ខែ ក៏ដូចជាផ្តល់រង្វាន់ដល់កងទ័ពណាដែលចូលរួមជាមួយក្រុមរបស់លោកនាពេលខាងមុខផងដែរ។
ចុះផ្សាយនៅថ្ងៃ៖
សូមស្ដាប់ប្រសាសន៍របស់ លោក សម រង្ស៊ី៖
ឆ្លើយតបនឹងការលើកឡើងរបស់លោក សម រង្ស៊ីនេះ លោក ឈុំ សុជាត អ្នកនាំពាក្យក្រសួងការពារជាតិកម្ពុជាបានលើកឡើងយ៉ាងដូច្នេះថា៖
សូមស្ដាប់ប្រសាសន៍ លោក ឈុំ សុជាត៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ