ក្រោយបាត់សមាជិកជាង២លាននាក់ គណបក្សកាន់អំណាចចាប់ផ្តើមពង្រឹងសមាជិករបស់ខ្លួនឡើងវិញ
ចុះផ្សាយនៅថ្ងៃ៖
ស្តាប់ - ១២:៣៨
លោកនាយករដ្ឋមន្ត្រី ហ៊ុន សែន ក្នុងនាមជាប្រធានគណបក្សកាន់អំណាច បានចេញសេចក្តីណែនាំមួយ កាលពីថ្ងៃទី ២៨ កក្កដាឲ្យសមាជិករបស់ខ្លួននៅទូទាំងប្រទេស ធ្វើបច្ចុប្បន្នភាពចំនួនសមាជិករបស់ខ្លួនឡើងវិញ បន្ទាប់ពីបាត់សំលេងគាំទ្រជាង២លាននាក់។ បើតាមតួលេខសមាជិកគណបក្សកាន់អំណាចមានជាង៥លាន៣សែននាក់ ប៉ុន្តែនៅក្នុងការបោះឆ្នោតឃុំសង្កាត់ឆ្នាំ២០១៧នេះ មានតែប្រជាពលរដ្ឋជាង៣លាន៥សែននាក់ប៉ុណ្ណោះដែលបោះឆ្នោតគាំទ្រគណបក្សកាន់អំណាច។ សម្រាប់គណបក្សកាន់អំណាច ការធ្វើបែបនេះ គឺដើម្បីប្រមូលអ្នកគាំទ្រឡើងវិញ និងដើម្បីឆ្ពោះទៅរកជ័យជំនះជាថ្មីនៅក្នុងការបោះឆ្នោតជាតិនៅឆ្នាំ២០១៨។ ប៉ុន្តែអ្នកវិភាគបានលើកឡើងថា សេចក្តីណែនាំនេះមិនខុសច្បាប់នោះទេ តែអាចជាការដាក់សម្ពាធ ឬបង្ករការភ័យខ្លាច ទៅដល់ប្រជាពលរដ្ឋទៅវិញទេ។