បន្ទាប់ពីផ្តួលម៉ាកាវបាល់ទាត់កម្ពុជាត្រូវគេទទួលស្គាល់ថាមានការរីកចម្រើនខ្លះៗ
ចុះផ្សាយនៅថ្ងៃ៖
ស្តាប់ - ១០:៣៣
ក្រុមបាល់ទាត់ជម្រើសជាតិនៃប្រទេសកម្ពុជាគឺជាលើកទីមួយហើយបានឈានជើងឡើងទៅកាន់ការចាប់ពូលជុំទីពីរនៃការប្រកួតជម្រុះបាល់ទាត់ពិភពលោក។បាល់ទាត់ពិភពលោកដែលនឹងរៀបចំឡើងនៅប្រទេសរុស្សីឆ្នាំ២០១៨ខាងមុខ។ ការដែលកម្ពុជាផ្តួលក្រុមកីឡាករម៉ាកាវនៅក្នុងប្រទេស៣-១និងប្រកួតស្មើ១-១ នៅក្រៅប្រទេស ធ្វើឲ្យកម្ពុជាមានឈ្មោះនៅក្នុងតារាងប្រកួតជម្រុះវគ្គបន្ត ដែលក្នុងនោះមាន៥ប្រទេសគឺជប៉ុន បងធំបាល់ទាត់នៅអាស៊ី ប្រទេសស៊ីរី អាហ្វានីស្ថាន សិង្ហបុរី និងកម្ពុជា។ តាមរយៈការលេចមុខមាត់ទៅជួបប្រទេសដែលមានថ្វីជើងខាងបាត់ទាត់នៅអាស៊ីនាពេលនេះ បង្ហាញថាបាល់ទាត់កម្ពុជាដែលធ្លាប់តែដុនដាបច្រើនទសវត្សមកហើយនោះ ត្រូវគេមើលឃើញថា មានការអភិវឌ្ឍគួរឲ្យចាប់អារម្មណ៍នៅក្នុងប្រទេសខ្លះដែរ។
