ព្រឹត្តិការណ៍កម្ពុជាប្រចាំថ្ងៃ
៦ខែនៃច្បាប់សហជីព ក្រសួងការងារថាគ្មានការរឹតត្បិតសិទ្ធិរបស់សហជីព និងកម្មករ ប៉ុន្តែក្រុមសហជីពថាវេទនា!
ចុះផ្សាយនៅថ្ងៃ៖
កន្លះឆ្នាំហើយ ដែលច្បាប់សហជីព ប្រសូត្រចេញពីកណ្តាប់ដៃរបស់អ្នកតំណាងរាស្ត្រនៃបក្សកាន់អំណាច។ ៦ខែកន្លងទៅនេះ ភាគីខាងក្រុមសហជីព និងក្រុមអ្នកធ្វើការជាមួយកម្មករដោយផ្ទាល់ បានត្អូញត្អែរពីការបំបិទសិទ្ធិរបស់សហជីព និងធ្វើឲ្យខូចប្រយោជន៍របស់កម្មករ។ ហើយអ្នកមួយចំនួន ថែមទាំងចង់ឲ្យធ្វើវិសោធនកម្មលើមាត្រាមួយចំនួនទៀតផង។ ក៏ប៉ុន្តែអ្នកតំណាងក្រសួងការងារវិញ បានច្រានចោលការលើកឡើងនេះ ហើយបញ្ជាក់ថា ក្រោយការអនុវត្ត៦ខែ គឺច្បាប់សហជីបគ្មានការរឹតត្បិតសិទ្ធិសហជីព និងកម្មករនោះទេ។ ក្រសួងបានអះអាងថា គឺមានតែអ្នកដែលមិនចង់នៅក្រៅច្បាប់តែប៉ុណ្ណោះ ដែលយល់ថាច្បាប់នេះបានរឹតត្បិត។
