លោក វ៉ាត់ ចំរើន៖អត្តពលិកខ្មែរថ្វីត្បិតតែមានចំណាត់ថ្នាក់ក្រោយគេ តែមិនដែលបោះបង់ចោលការប្រកួតឡើយ
ចុះផ្សាយនៅថ្ងៃ៖
ស្តាប់ - ១១:៣៨
ពីទីក្រុងរីយ៉ូប្រទេសប្រេស៊ីល ទីដែលអត្តពលិកចំរុះជាតិសាសន៍ជាង១ម៉ឺននាក់ កំពុងប្រកួតប្រជែងគ្នា ដណ្តើមមេដាយ មាស ប្រាក់ និងសំរិត លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាបានថ្លែងប្រាប់វិទ្យុបារាំង rfi តាមប្រព័ន្ធបណ្តាញសង្គមថា កីឡាករ កីឡាការិនីកម្ពុជាសុទ្ធតែបានបំពេញការប្រកួតស្របតាមស្មារតីកីឡាអូឡាំពិកអន្តរជាតិ ដោយបំបែកកំណត់ត្រាខ្លួនឯងនិងមិនបោះបង់ចោលការប្រកួតកណ្តាលទីនោះឡើយ។ លទ្ធផលនិងបទពិសោធន៍នេះ គឺជាមូលដ្ឋានសម្រាប់យកទៅសិក្សា និង អភិវឌ្ឍន៍កីឡាកម្ពុជាក្នុងការចូលរួមប្រកួតកីឡាអូឡាំពិកឆ្នាំ២០២០ នៅជប៉ុន និង ការរៀបចំប្រកួតកីឡាស៊ីហ្គេមនៅឆ្នាំ២០២៣ផងដែរ ដែលកម្ពុជាត្រូវធ្វើជាម្ចាស់ផ្ទះ៕
