សារៈសំខាន់នៃអ្នកសង្កេតការណ៍ក្នុងពេលបោះឆ្នោតឃុំ សង្កាត់
ចុះផ្សាយនៅថ្ងៃ៖
ស្តាប់ - ០៨:២៤
ក្នុងពេលនេះ គឺជាយុទ្ធនាការឃោសនាបោះឆ្នោតសម្រាប់ជ្រើសរើសក្រុមប្រឹក្សាឃុំ សង្កាត់អាណត្តិទី៤។ ស្របពេលជាមួយគ្នានេះ សមាគម អង្គការក្រៅរដ្ឋាភិបាល និងអន្តរជាតិមួយចំនួនក៏បានរៀបចំអ្នកសង្កេតការណ៍របស់ខ្លួនផងដែរ ដើម្បីឃ្លាំមើលពីដំណើរការនៃការបោះឆ្នោត។ បើតាមគ.ជ.ប គិតមកដល់ថ្ងៃចន្ទម្សិលមិញនេះ អ្នកសង្កេតការណ៍ជាតិមកពី១៣ អង្គការសង្គមស៊ីវិលចំនួនជាង៤ម៉ឺន៦ពាន់នាក់ និងអ្នកសង្កេតអន្តរជាតិចំនួន ៧៥នាក់ហើយបានចុះឈ្មោះចូលរួមសង្កេតការណ៍ការបោះឆ្នោតឃុំ សង្កាត់នាពេលខាងមុខនេះ។ ជាការកត់សម្គាល់ រាល់ការបោះឆ្នោត គេតែងតែឃើញមានវត្តមានអ្នកសង្កេតការណ៍ជាតិ និងអន្តរជាតិចូលរួមឃ្លាំមើលជារឿយ។ ដូច្នេះ តើអ្នកសង្កេតការណ៍មានសារៈសំខាន់បែបណាសម្រាប់ការបោះឆ្នោត?
