រដ្ឋាភិបាលកម្ពុជា-អូស្ត្រាលី ប្តេជ្ញាអនុវត្តកិច្ចព្រមព្រៀងបញ្ជូនជនភៀសខ្លួន តែសង្គមស៊ីវិលរំពឹងថា អាចប្រែប្រួល
ចុះផ្សាយនៅថ្ងៃ៖
ស្តាប់ - ០៨:៥៤
កាលពីថ្ងៃទី១៧តុលាកន្លងទៅ លោកនាយករដ្ឋមន្ត្រី ហ៊ុន សែន បានជួបពិភាក្សាជាមួយលោកស្រីជូលីប៊ីសប់រដ្ឋមន្ត្រីការបរទេសអូស្ត្រាលី នៅក្រៅកិច្ចប្រជុំកំពូលអាស៊ីអ៊ឺរ៉ុបលើកទី១០ ដែលរៀបចំធ្វើឡើងនៅទីក្រុងម៉ីឡង់ ប្រទេសអ៊ីតាលី។ ជំនួបដែលបានផ្តោតសំខាន់ទៅលើបញ្ហាផ្សេងៗនៅក្នុងតំបន់និងពិភពលោក តែអ្វីជាការកត់សំគាល់ បញ្ហាជនភៀសខ្លួនអូស្ត្រាលីក៍ត្រូវបានលើកយកមកពិភាក្សាផងដែរ។ ភាគីទាំងពីរ បានប្តេជ្ញាថា នឹងបន្តអនុវត្តកិច្ចព្រមព្រៀង ដែលបានចុះហត្ថលេខាជាមួយគ្នា កាលពីថ្ងៃទី២៦ ខែកញ្ញា ឆ្នាំ២០១៤ ទៅតាមគោលការណ៍ស្ម័គ្រចិត្ត។ តែ យ៉ាងណាក៍ដោយ អង្គការសង្គមស៊ីវិល និងប្រជាពលរដ្ឋនៅតែមានជំនឿចិត្តថា កិច្ចព្រមព្រៀងនោះ នឹងប្រែប្រួលនៅវិនាទីចុងក្រោយ។