លោក សាង ច័ន្ទវិសាល៖ វិបល្លាស រចនា ជាខ្សែភាពយន្តស្នេហារបស់មនុស្សមានជំងឺផ្លូវចិត្ត
ចុះផ្សាយនៅថ្ងៃ៖
ស្តាប់ - ១៣:១៣
ភ្ញៀវប្រចាំថ្ងៃរបស់វិទ្យុបារាំងអន្ដរជាតិនារាត្រីនេះ គឺលោក សាង ច័ន្ទវិសាល អ្នកនិពន្ធ និងជាអ្នកដឹកនាំខ្សែភាពយន្តរឿង វិបល្លាស រចនា។ ខ្សែភាពយន្តរឿងវិបល្លាស រចនា កំពុងតែចាក់បញ្ចាំងនៅតាមរោងភាពយន្តនានាក្នុងប្រទេសកម្ពុជា ប៉ុន្តែជាការកត់សម្គាល់ កុនដែលលើកយកបញ្ហាផ្លូវចិត្តមកនិយាយនេះ មិនបានទទួលការគាំទ្រច្រើនពីអ្នកទស្សនាឡើយ។ នៅក្នុងបទសម្ភាសជាមួយវិទ្យុបារាំងអន្ដរជាតិ លោកសាង ច័ន្ទវិសាល បានសម្ដែងការអាក់អន់ស្រពន់ចិត្តខ្លះដែរ ដែលខ្សែភាពយន្តរបស់លោកមិនសូវទទួលបានការគាំទ្រ។ ខណៈពេលដែលកុននេះជិតទម្លាក់ចេញពីរោង លោក សាង ច័ន្ទវិសាល បានអំពាវនាវឲ្យអ្នកទស្សនាផ្ដល់ឱកាសដល់កុនរបស់លោក។ លោកថា កុនរឿង វិបល្លាស រចនា គឺជាខ្សែភាពយន្តស្នេហា គ្រាន់តែថាស្នេហានោះ ជាស្នេហារបស់មនុស្សមានជំងឺផ្លូវចិត្ត ដែលគួរតែស្វែងយល់។