អង្គការសហប្រជាជាតិបា្រប់បារាំងឱ្យហាមឃាត់ការប្រដៅដល់ប៉ះសាច់ក្មេង
នៅថ្ងៃព្រហស្បតិ៍នេះ គណៈកម្មការអង្គការសហប្រជាជាតិ បានធ្វើការស្នើសុំទៅកាន់ប្រទេសបារាំង ឱ្យគិតគូរចេញច្បាប់ហាមឃាត់ការវាយធ្វើបានក្មេង ប៉ះពាល់ដល់សាច់។ អង្គការក៏បានចេញរបាយការណ៍មួយខ្ទាស់បារាំង ដែលមិនអើពើ ឬរើសអើង កុមារពិការជាកូនអន្តោប្រវេសន៍ ឬក្មេងរបស់ក្រុមជនពនេចរណ៍រ៉ូម។
ចុះផ្សាយនៅថ្ងៃ៖
អនុសាសន៍ ដែលមិនមែនការដាក់បង្ខំឱ្យគោរពរបស់អង្គការសហប្រជាជាតិ មកកាន់ប្រទេសបារាំងនេះ គឺជាលទ្ធផលនៃការកាត់ទោសបារាំងនៅតុលាការសាលាដំបូងរបស់អង្គការសហប្រជាជាតិ កាលពីពាក់កណ្តាលខែមករា។ នៅក្នុងរបាយការណ៍ គណៈកម្មការកុមារអន្តរជាតិ ចង់ស្នើឱ្យបារាំង ធ្វើការហាមឃាត់ទាំងស្រុង និងជាទូទៅ រាល់គ្រប់រូបភាពនៃការប្រដៅ ឬដាក់ទណ្ឌកម្ម ប៉ះសាច់ក្មេង មិនថានៅក្នុងគ្រួសារ នៅសាលារៀន នៅកន្លែងថែក្មេង ឬកន្លែងថែទាំសុខភាពផ្សេងៗទៀតទេ។ ការរំលោភប៉ះពាល់ដល់សាច់កុមារ គឺជាទម្រង់មួយនៃអំពើហិង្សា។
ទាក់ទងនឹងសិទ្ធិកុមារនេះ អង្គការសហប្រជាជាតិ បានស្នើសុំឱ្យបារាំងចាត់វិធានការ ឱ្យបានសក្តិសម ដើម្បីឱ្យកុមារ មានសិទ្ធិស្គាល់ឲ្យពុកម្តាយ-បងប្អូនបង្កើត ក្នុងករណីម្តាយមកបង្កើតកូន តែសូមលាក់អត្តសញ្ញាណ។
ជាទូទៅបើតាមរបាយការណ៍ បារាំង បានខិតខំខ្លាំងណាស់ ក្នុងប្រយុទ្ធប្រឆាំងនឹងការរើសអើង ក៏ប៉ុន្តែការបែងចែងនៅតែមាន។ អង្គការសហប្រជាជាតិ មើលឃើញរើសអើងលើកុមារពិការ លើដើមកំណើតនិងសញ្ជាតិរបស់ក្មេង ជាពិសេសការប្រកាន់ពូជសាសន៍ ម៉ៅស្អប់កូនចៅក្រុមពនេចរ។ គ្មានដំណោះស្រាយអ្វីផ្សេង អាជ្ញាធរបារាំងច្រើនតែជ្រើសរើសវិធីសាស្ត្របញ្ចេញចេញដោយបង្ខំ។
ចំពោះកុមារជាកូនជនអន្តោប្រវេសន៍វិញ បារាំងមានគម្លាតច្រើន រវាងច្បាប់និងការអនុវត្ត ! អង្គការសហប្រជាជាតិ ខ្វល់ខ្វាយ និងព្រួយបារម្ភខ្លាំង ចំពោះក្មេងដែលគ្មានឪពុកម្តាយ តែត្រូវបានអាជ្ញាធរយកទៅទុកក្នុងតំបន់រង់ចាំរដ្ឋបាល កាន់តែច្រើនឡើងៗ ដែលមិនត្រូវបទដ្ឋានការពារកុមារសោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ