បារំាងប្រកាសពីការបង្កើតសម្ព័ន្ធអឺរ៉ុប-អាហ្រ្វិកស្តីពីបញ្ហាអាកាសធាតុ
នៅថ្ងៃសៅរ៍ ទី៧ ធ្នូ ប្រទេសបារំាងបានប្រកាសឲ្យដឹងពីការបង្កើតសម្ព័ន្ធមួយរវាងសហភាពអឺរ៉ុប និងអាហ្រ្វិកស្តីពីបញ្ហាអាកាសធាតុ។ សេចក្តីប្រកាសនេះត្រូវបានធ្វើឡើងនាឱកាសជំនួបកំពូលអេលីហ្សេស្តីពីសន្តិភាព និងសន្តិសុខនៅក្នុងទ្វីបអាហ្រ្វិកដែលរៀបចំក្នុងទីក្រុងប៉ារីស។ គោលដៅនៃការបង្កើតឲ្យមានសម្ព័ន្ធអឺរ៉ុប អាហ្រ្វិកស្តីពីបញ្ហាអាកាសធាតុនេះឡើង គឺដើម្បីសម្រេចឲ្យបាននូវកម្មវត្ថុសម្រាប់សន្និសីទអន្តរជាតិស្តីពីការផ្លាស់ប្តូរអាកាសធាតុដែលនឹងរៀបចំឡើងក្នុងឆ្នំា ២០១៥ខាងមុខ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៦
ក្នុងនាមជាប្រទេសម្ចាស់ផ្ទះដែលនឹងត្រូវរៀបចំសន្និសីទអន្តរជាតិស្តីពីការផ្លាស់ប្តូរអាកាសធាតុនៅខែធ្នូ ឆ្នំា ២០១៥ ខាងមុខ បារំាងចំាបាច់ត្រូវតែធ្វើអ្វីៗគ្រប់បែបយ៉ាងទំាងអស់ដើម្បីឲ្យសន្និសីទក្នុងប្រទេសខ្លួនទទួលបានជោគជ័យ។ តាមរយៈការបង្កើតឲ្យមានសម្ព័ន្ធមួយជាមួយទ្វីបអាហ្រ្វិកពេលនេះ សហភាពអឺរ៉ុបចង់បង្ហាញប្រាប់ពិភពលោកអំពីការប្តេជ្ញាចិត្តរបស់ខ្លួនក្នុងការប្រយុទ្ធទប់ទល់នឹងការឡើងកម្តៅនៅក្នុងបរិយាកាស។ អ្វីដែលអឺរ៉ុប និងអាហ្រ្វិកចង់បាន គឺកាត់បន្ថយអត្រាសីតុណ្ហភាពនៅក្នុងបរិយាយកាសឲ្យស្ថិតក្រោម ២អង្សារនៅរង្វង់ឆ្នំា ២១០០។
លោករដ្ឋមន្រ្តីបារំាងទទួលបន្ទុកកិច្ចការអភិវឌ្ឍន៍ប៉ាស្កាល់ កង់ហ្វំាងបានបញ្ជាក់ថា ការបង្កើតឲ្យមានសម្ព័ន្ធរវាងអឺរ៉ុប និងអាហ្រ្វិកស្តីពីបញ្ហាអាកាសធាតុនេះឡើង គឺដើម្បីបង្ហាញអំពីសាមគ្គីភាពរវាងក្រុមប្រទេសដែលមានលទ្ធភាពគ្រប់គ្រាន់ក្នុងការប្រយុទ្ធប្រឆំាង និងក្រុមប្រទេសដែលកំពុងទទួលគ្រោះថ្នាក់ខ្លំាង តែគ្មានលទ្ធភាពដើម្បីទប់ស្កាត់ ពិសេសគឺបណ្តាប្រទេសក្នុងទ្វីបអាហ្រ្វិកនោះឯង។ លោកប៉ាស្កាល់និយាយចំឈ្មោះលោកប្រធានាធិបតីនៃប្រទេសតង់ហ្សានីដែលថា អាហ្រ្វិកជាទ្វីបដែលបានទទួលរងគ្រោះខ្លំាងដោយសារការឡើងកម្តៅក្នុងបរិយាកាស និងជាទ្វីបដែលបានបញ្ចេញឧស្ម័នពុលតិចជាងគេទៅក្នុងបរិយាកាស។
នៅក្នុងកិច្ចព្រមព្រៀងស្តីពីបញ្ហាបរិយាកាសនោះ មានចែងពីការរួមចំណែកជាថវិការបស់បារំាងក្នុងយុទ្ធនាការប្រយុទ្ធប្រឆំាងនឹងការឡើងកម្តៅក្នុងបរិយាកាស តាមរយៈជំនួយសាធារណៈសម្រាប់ការអភិវឌ្ឍន៍។ លោកប្រធានាធិបតីបារំាងហ្រ្វង់ស្វ័រ ហូឡង់បានថ្លែងថា បើសន្និសីទអន្តរជាតិក្នុងទីក្រុងប៉ារីសស្តីពីបញ្ហាអាកាសធាតុនៅឆ្នំា ២០១៥មិនទទួលជោគជ័យទេ នោះកម្មវត្ថុរបស់អន្តរជាតិក្នុងការកាត់បន្ថយកម្តៅនៅក្នុងបរិយាកាសគ្មានថ្ងៃនឹងសម្រេចបានឡើយ៕
គួរជម្រាបជូនថា បារំាង ក្រោមលោកប្រធានាធិបតីនីកូឡា សាកូហ្ស៊ីក៏ធ្លាប់បានព្យាយាមបង្កើតសម្ព័ន្ធជាមួយទ្វីបអាហ្រ្វិកម្តង នៅមុនសន្និសីទអន្តរជាតិស្តីពីបញ្ហាអាកាសធាតុក្នុងទីក្រុងកូពើណាក់ក្នុងឆ្នំា ២០០៩ ដែលទីបំផុតបានទទួលបរាជ័យ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ