លោកស្រីឡាក់ សុភាព ឡើងជ្រញ់មុនគេចំពោះមុខគណៈកម្មាធិកាវិន័យបក្សប្រឆាំង
ចុះផ្សាយនៅថ្ងៃ៖
ស្តាប់ - ០៩:៣១
បន្ទាប់ពីបកអាក្រាតរឿងផ្ទៃក្នុងគណបក្សរបស់ខ្លួន ប្រាប់បណ្តាញសារព័ត៌មានកាលពីថ្ងៃសៅរ៍ចុងសប្តាហ៍មុន លោកស្រីឡាក់ សុភាព ដែលជាសមាជិកគណៈកម្មាធិកានាយកគណបក្សសង្គ្រោះជាតិ នៅព្រឹកថ្ងៃចន្ទ ម្សិលមិញនេះ បានចូលទៅបកស្រាយនៅចំពោះមុខគណៈកម្មាធិការវិន័យគណបក្សនេះ ។ គណៈកម្មាធិការវិន័យបានតម្រូវឲ្យលោកស្រីឡាក់ សុភាព ធ្វើការឆ្លើយតបចំពោះបណ្តាញសារព័ត៌មាននូវអ្វីដែលលោកស្រីបានបរិហារមកលើគណបក្ស ដើម្បីរក្សាកិត្តិយសថ្នាក់ដឹកនាំកំពូល និង គណបក្សសង្គ្រោះជាតិ។ ក៏ប៉ុន្តែលោកស្រីឡាក់ សុភាព បានបដិសេធ។ ការបដិសេធនេះ ធ្វើឲ្យលោកស្រីឡាក់ សុភាព ក្លាយជាមន្ត្រីជាន់ខ្ពស់ទីមួយរបស់គណបក្សប្រឆាំងដែលត្រូវទទួលខុសត្រូវចំពោះមុខគណៈកម្មាធិការវិន័យ។ គណៈកម្មាធិការវិន័យគណបក្សសង្គ្រោះជាតិនឹងសម្រេចចាត់វិធានការលើលោកស្រីឡាក់ សុភាពនៅថ្ងៃអង្គារនេះ។