ជំនួបកំពូលអាស៊ាន៖ អង្គការក្រៅរដ្ឋាភិបាលបារម្ភពីការបាត់ខ្លួនសកម្មជនសិទ្ធិមនុស្សឡាវ សម្បត្តិ សំផុន
នៅថ្ងៃសុក្រ និងថ្ងៃសៅរ៍នេះ ប្រមុខដឹកនាំនៃបណ្តាប្រទេសសមាគមប្រជាជាតិអាស៊ីអាគ្នេយ៍ ហៅថាអាស៊ាននោះ បានជួបជុំគ្នា នៅក្រុងតូក្យូ ដើម្បីពិភាក្សាគ្នាអំពីកិច្ចសហប្រតិបត្តិការសេដ្ឋកិច្ចនិងសន្តិសុខ។ ឆ្លៀតក្នុងឱកាសជំនួបកំពូលអាស៊ាននេះ អង្គការក្រៅរដ្ឋាភិបាលជាច្រើនបានទាក់ទាញចំណាប់អារម្មណ៍របស់មេដឹកនាំប្រទេសអាស៊ាន អោយយកចិត្តទុកដាក់លើបញ្ហាសិទ្ធិមនុស្ស នៅក្នុងបណ្តាប្រទេសសមាជិកអាស៊ាន ពិសេសករណីសកម្មជនសិទ្ធិមនុស្ស សម្បត្តិ សំផុន នៅប្រទសឡាវ ដែលបានបាត់ខ្លួនមួយឆ្នាំមកហើយនោះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៣
នៅថ្ងៃសុក្រម្សិលមិញ និងថ្ងៃសៅរ៍ចុងសប្តាហ៍នេះ នៅក្រុងតូក្យូ ប្រទេសជប៉ុន ប្រទេសសមាគមប្រជាជាតិអាស៊ីអាគ្នេយ៍បានជួបពិភាក្សាគ្នាពីកិច្ចសហប្រតិបត្តិការសេដ្ឋកិច្ចនិងសន្តិសុខ។ ឆ្លៀតក្នុងឱកាសនេះ អង្គការក្រៅរដ្ឋាភិបាលជាច្រើនបានទាក់ទាញចំណាប់អារម្មណ៍មេដឹកនាំប្រទេសអាស៊ាន អោយយកចិត្តទុកដាក់លើបញ្ហាសិទ្ធិមនុស្ស នៅក្នុងបណ្តាប្រទេសសមាជិកអាស៊ាននានាពិសេសករណីរបស់សកម្មជនសិទ្ធិមនុស្ស សម្បត្តិ សំផុន នៅប្រទសឡាវ ដែលបានបាត់ខ្លួនមួយឆ្នាំមកហើយនោះ។
លិខិតរួមមួយទាក់ទងនឹងប្រធានបទសិទ្ធិមនុស្សគួរអោយព្រួយបារម្ភ ត្រូវបានដាក់ទៅនាយករដ្ឋមន្ត្រីជប៉ុន ស្ហ៊ីនហ្សូ អាបេ ដែលជាម្ចាស់ផ្ទះរៀបចំជំនួបកំពូលអាស៊ាន រយៈពេលថ្ងៃនេះ។
គួររំលឹកថា លោកសម្បត្តិ សំផុន ជាសកម្មជនសិទ្ធិមនុស្សក្នុងសង្គមស៊ីវិលឡាវ។ លោកធ្លាប់បានធ្វើសកម្មភាពជួយជនក្រីក្រ កសិករ ក្នុងប្រទេសឡាវ។ គេបានឃើញលោក សម្បត្តិ សំផុន ចុងក្រោយបង្អស់ នៅថ្ងៃ១៥ធ្នូ ឆ្នាំ២០១២ នៅមុខស្នងការប៉ូលិសទីក្រុងវៀងចន្ទ។ ក្នុងរូបភាពវីដេអូ គេបានឃើញលោក ត្រូវបានគេចាប់ខ្លួន ហើយគេក៏ឃើញមានវត្តមានប៉ូលិសច្រើនរូប នៅក្នុងរូបភាពវីដេអូផងដែរ។ ប៉ុន្តែរដ្ឋាភិបាលឡាវបានបដិសេធ ថាខ្លួនមិនមែនជាដើមចមនៃការបាត់ខ្លួនរបស់សកម្មជនសិទ្ធិមនុស្សនេះឡើយ។
សំរាប់លោកស្រី ហ្សឺណឺវីយ៉ែវ ហ្ការីហ្កូស ជាប្រធានអង្គការ Amnesty International France ករណីលោកសម្បត្តិ សំផុន សបង្ហាញពីការរំលោភសិទ្ធិមនុស្សនៅឡាវ និងការខ្វះសិទ្ធិសេរីភាពក្នុងការបញ្ចេញមតិយោបល់។ អង្គការ Amnesty International France គិតថា រដ្ឋាភិបាលឡាវមានការទទួលខុសត្រូវផ្ទាល់ចំពោះវិធានការស្វែងរករូបលោកសម្បត្តិ សំផុន ហើយត្រូវធ្វើការស៊ើបអង្កេតដើម្បីចាប់ខ្លួនជនល្មើសនានាដែលបានចាប់លោកទៅ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ