យីងឡាក់បានរួចខ្លួនមួយរយៈពេលពីរឿងក្តីក្តាំតុលាការ
នៅថ្ងៃព្រហស្បតិ៍ម្សិលមិញនេះ លោកស្រីអតីតនាយករដ្ឋមន្ត្រីថៃយីងឡាក់ដែលអស់អំណាចដោយសាររដ្ឋប្រហារយោធាថៃនៅខែឧសភាមុននេះ បានរួចខ្លួនមួយរយៈពេលពីរឿងក្តីក្តាំរបស់តុលាការ។ រឿងក្តីកាំ្ត ព្រោះតែលោកស្រីយីងឡាក់ ត្រូវបានពួកអ្នកប្រឆាំង លោកស្រី ចោទថា ជាប់ពាក់ព័ន្ធនឹងរឿងអាស្រូវពុករលួយមួយចំនួន។ ម្សិលមិញនេះ ព្រះរាជអាជ្ញាថៃ បានអះអាងបញ្ជាក់នៅមុខក្រុមអ្នកកាសែតថា តុលាការ នៅពុំមានភ័ស្តុតាងជាក់ស្តែងណាមួយនៅឡើយទេ ដើម្បីអាចចោទប្រកាន់លោកស្រីយីងឡាក់នោះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣៤
នៅរយៈពេលប៉ុន្មានខែមុននេះ គណៈកម្មការប្រឆាំងអំពើពុករលួយ បានបញ្ជូនសំណុំរឿងក្តីកាំ្តខាងលើនេះទៅកាន់ព្រះរាជអាជ្ញាដោយទាមទារឲ្យធ្វើការចោទប្រកាន់លើរូបលោកស្រី យីងឡាក់ ពីបទធ្វេសប្រហែសនៅក្នុងសំណុំរឿង រដ្ឋទិញស្រូវដើម្បីជួយប្រជាកសិករ។ ការធ្វេសប្រហែសនេះ ជាអំពើពុករលួយមួយ-នេះបើយោងតាមគណៈកម្មការប្រឆាំងអំពើពុករលួយ។
គួររំលឹកថា ប្រព័ន្ធតុលាការថៃ ក៏ដូចជា ឥស្សរជននយោបាយដែលធ្លាប់តែកាន់អំណាចនៅក្នុងប្រទេស មានដូចជាពួកយោធាជាដើម ត្រូវបានគេសង្ស័យថា “ ប្រកាន់បក្សពួកនិងកាន់ជើងតែខាងពួកអ្នកប្រឆាំងត្រកូលស្ហីណាវ៉ាត្រា ដើម្បីរារាំងកុំឲ្យត្រកូលនេះ អាចវិលមកកាន់អំណាចបានវិញ។
គណៈកម្មការប្រឆាំងអំពើពុករលួយ បានវាយតម្លៃថា” លោកស្រីយីងឡាក់មិនព្រមអើពើអ្វីសោះ ចំពោះសេចក្តីព្រមាន នៅជុំវិញបញ្ហាពុករលួយដែលជាប់ទាក់ទងនឹងនយោបាយទិញស្រូវពីប្រជាជន។
កម្មវិធីជួយឧបត្ថម្ភប្រជាកសិករដ៏ចម្រូងចម្រាសនេះ បានជំរុញឲ្យរដ្ឋាភិបាលទិញស្រូវពីប្រជាជនក្នុងតម្លៃដ៏ខ្ពស់រហូតដល់ថ្លៃលើស៥០% ពីតម្លៃនៅលើទីផ្សារ។ដូច្នេះហើយ បានជាពួកអ្នកប្រឆាំងលោកស្រីយីងឡាក់ បានចោទ ថានយោយបាយទិញស្រូវនេះ ជំរុញឲ្យមានអំពើពុករលួយពេញទំហឹង។ មិនតែប៉ុណ្ណោះ វាក៏ជាបន្ទុកដ៏ធ្ងន់ធ្ងរមួយដល់ថវិការរដ្ឋ ហើយម៉្យាង ស្រូវអង្ករក៏លក់មិនដាច់នៅសល់ហូរហៀរគរដូចភ្នំ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ