ជនជាតិខ្មែរ៣នាក់បានស្លាប់ដោយសារទាហានឈុតខ្មៅថៃបាញ់
ពលរដ្ឋខ្មែរ៣នាក់បានស្លាប់នៅ និងកន្លែង និងទាហានឈុតខ្មៅថៃ៥នាក់បានរងរបួសធ្ងន់ នៅក្នុងហេតុការណ៍ផ្ទុះអាវុធមួយ កាលពីវេលាម៉ោងប្រមាណជា៤ និង៣០នាទីរសៀល ថ្ងៃទី៣ ខែវិច្ឆិកា ឆ្នាំ២០១២ នៅចំណុចព្រំដែនកម្ពុជាថៃ ក្នុងស្រុកសំឡូត ខេត្តបាត់ដំបង។
ចុះផ្សាយនៅថ្ងៃ៖ កែប្រែថ្ងៃទី៖
ការផ្ទុះអាវុធបានកើតឡើងខណៈពេលទាហានឈុតខ្មៅថៃដើរល្បាតតាមព្រំដែន ហើយបានជួបប្រទះជនជាតិខ្មែរ៥នាក់ មានអាវុធអាកាមួយដើម កំពុងលួចកាប់ឈើគ្រញូង។ ប្រភពពីមន្ត្រីទំនាក់ទំនងព្រំដែន កម្ពុជា-ថៃ បានឲ្យដឹងថា សពជនជាតិខ្មែរ៣នាក់ដែលស្លាប់នោះ ត្រូវបានបញ្ជូនមកដល់ទឹកដីកម្ពុជាហើយនៅព្រឹកថ្ងៃទី៤ ខែវិច្ឆិកា ឆ្នាំ២០១២នេះ។
ប្រភពឲ្យដឹងទៀតថា ពលរដ្ឋខ្មែរ៥នាក់ស្លៀកពាក់ស៊ីវិល ប្រដាប់ដោយកាំភ្លើងអាកាមួយដើម បានចូលទៅលួចកាប់ឈើគ្រញូងនៅក្នុងទឹកដីថៃ ហើយបានជួបនឹងកម្លាំងទាហានឈុតខ្មៅថៃ ដែលដើរល្បាតតាមព្រំដែនបណ្តាលឲ្យផ្ទុះអាវុធដាក់គ្នាទៅវិញ ទៅមក។ ការផ្ទុះអាវុធមួយប្រាវនេះ បណ្ដាលឲ្យជនជាតិខ្មែរ៣នាក់ស្លាប់នៅនឹងកន្លែង និង២នាក់ទៀតបានរត់រួចខ្លួន។ ចំណែកឯភាគីទាហានឈុតខ្មៅថៃបានរងរបួសធ្ងន់ធ្ងរ៥នាក់ផងដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ