តុលាការក្រុងភ្នំពេញផ្តន្ទាទោសជនជាតិថៃ២នាក់
ក្នុងសវនាការអស់ពេលពេញមួយថ្ងៃនេះ តុលាការក្រុងភ្នំពេញ បានសម្រេចផ្តន្ទាទោសដាក់ពន្ធនាគារលើបុរសជនជាតិថៃ ឈ្មោះ វរៈ ស៊ុមខ្វាមឃីត (Veera Somkwamkit) រយៈពេល ៨ឆ្នាំ និងពិន័យជាប្រាក់ ១លាន ៨សែនរៀល។ រីឯស្ត្រីឈ្មោះ រ៉ាត់ទ្រីប៉ៃ ពូតាណាប៉ៃប៊ូន (Ratree Paiputanapaiboon) ត្រូវបានតុលាការសម្រេចផ្តន្ទាទោសដាក់ពន្ធនាគារ ៦ឆ្នាំ និងពិន័យជាប្រាក់ ១លាន ២សែនរៀល។
ចុះផ្សាយនៅថ្ងៃ៖ កែប្រែថ្ងៃទី៖
ជនជាតិថៃ ២នាក់នេះ ស្ថិតក្នុងចំណោម ៧នាក់ ដែលបានឆ្លងដែនខុសច្បាប់ចូលទឹកដីកម្ពុជា កាលពីថ្ងៃទី២៩ធ្នូ ឆ្នាំ២០១០។ ប៉ុន្តែ តុលាការ បានចោទបន្ថែមលើជនជាតិថៃពីរនាក់នោះ ពីបទប៉ុនប៉ងប្រមូលព័ត៌មាន ដែលអាចនាំឱ្យអន្តរាយដល់ការការពារជាតិ។ រីឯជនជាតិថៃ ៥នាក់ទៀត ត្រូវបានតុលាការកាត់ទោសរួចហើយ ដោយសម្រេចព្យួរទោស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ