ពិភពលោកកំពុងប្រយុទ្ធយកឈ្នះលើអេបូឡា
ចុះផ្សាយនៅថ្ងៃ៖
ស្តាប់ - ០៦:២៧
នៅថ្ងៃចន្ទទី ៨ កញ្ញានេះ ក្រុមប្រឹក្សាប្រតិបត្តិសហភាពអាហ្វ្រិកបានបើកអង្គប្រជុំជាបន្ទាន់មួយ នៅក្រុង អាឌីសអាបេបា ប្រទេសអេត្យូពី ដើម្បីពិភាក្សារកយុទ្ធសាស្ត្ររួមប្រយុទ្ធប្រឆាំងនឹងការរាតត្បាតអេបូឡា។ ចំណែកអាមេរិកបានប្រកាសបញ្ជូនទាហានទៅកាន់ប្រមូលកម្លាំងយោធាបញ្ជូនទៅកាន់ទ្វីបអាហ្វ្រិក ដើម្បីចូលរួមចំណែកទប់ស្កាត់ជំងឺអេបូឡា។ តើសហភាពអាហ្វ្រិកនឹងមានមធ្យោបាយ និងដំណោះស្រាយយ៉ាងណាខ្លះ សម្រាប់ប្រឈមនឹងមេរោគក៏កាចសាហាវប្រចាំសតវត្សរ៍អេបូឡា ? ចុះអាមេរិកបញ្ជូនកម្លាំងយោធា ក្នុងទម្រង់បែបណា ?
បើតាមរបៀបវារៈនៃជំនួបប្រជុំ ថ្ងៃនេះ សហភាពអាហ្វ្រិក ត្រូវពិភាក្សាគ្នារកយុទ្ធសាស្ត្ររួម ក្នុងការប្រយុទ្ធប្រឆាំងនឹងជំងឺអេបូឡា កំរិតទ្វីបតែម្តង ពោលគឺ អាហ្វ្រិកត្រូវបញ្ចេញសកម្មភាពរួម ពេញលេញ និងជាសមូហភាព។ សហភាពអាហ្វ្រិក ត្រូវពិចារណាថាតើ វិធានការបិទព្រំដែនជាមួយប្រទេសរងការរាតត្បាតខ្លាំង និងការផ្អាកជើងហោះហើរ មានប្រយោជន៍យ៉ាងណាខ្លះក្នុងការទប់ស្កាត់ការឆ្លងរាតត្បាត។ ម្យ៉ាងវិញអាហ្វ្រិកទាំងមូលត្រូវប្រយុទ្ធប្រឆាំងនឹងជំងឺ មិនមែនប្រយុទ្ធប្រឆាំងនឹងបុគ្គល ដោយរុញច្រានអ្នកជំងឺឱ្យនៅឯកា រើសអើងពីសង្គម ពី សហគមន៍ និងពីប្រទេស។
កង្វះឆន្ទៈនិងការសន្យា
ស្ថានភាពរាតត្បាតនៃជំងឺអេបូឡាពេលនេះ គឺសក្តិសមនឹងទាញសញ្ញាអាសន្នកំរិតខ្ពស់ ដែលតម្រូវឱ្យថា្នក់ដឹកនាំប្រទេស ត្រូវជួបប្រជុំគ្នា វត្តមានអេបូឡាបានផ្តល់ផលវិបាកជាវិជ្ជមានមួយ សម្រាប់ពេលអនាគត ព្រោះវាបានបង្ហាញពីអំពីភាពទន់ខ្សោយផ្នែកប្រព័ន្ធសុខាភិបាលនៅអាហ្វ្រិក នៅក្នុងប្រទេសដែលរងគ្រោះព្រោះអេបូឡា។ សហភាពអាហ្វ្រិកគ្មានសមត្ថភាពបញ្ចេញសកម្មភាពជាក់ស្តែងទេ តែសហភាពនេះត្រូវបង្ហាញមុខមាត់ ដើម្បីធ្វើជាជំហរដឹកនាំ សម្រាប់ឱ្យសហគមន៍អន្តរជាតិអាចចូលមកជួយធ្វើសកម្មភាព។ បញ្ហាក្រីក្រគ្មានថវិការបស់ប្រទេសជារឿងមួយ តែដល់វេលាដែលអាហ្រ្វិកត្រូវតម្រង់ទិសនយោបាយ។ ផ្តើមដោយមានឆន្ទៈនិង ហ៊ានសន្យា។
អន្តរជាតិផ្តុំកម្លាំង
វត្តមាននិងការប្រកាសចូលជួយរបស់អាមេរិកនេះ គឺជាដំណាក់កាលថ្មីមួយទៀត នៃការប្រមូលផ្តុំរបស់សហគមន៍អន្តរជាតិក្នុងការប្រយុទ្ធប្រឆាំងនឹងជំងឺអេបូឡា។ កាលពីថ្ងៃសុក្រសហភាពអឺរ៉ុប បានប្រកាសផ្តល់ប្រាក់ជំនួយ១៤០លានអឺរ៉ូ សម្រាប់យកទៅពង្រឹងវិស័យសុខភាពសាធារណៈ ទៅទ្រទ្រង់ផ្ទាល់ប្រព័ន្ធព្យាបាលជំងឺក្នុងប្រទេសរងគ្រោះ ប្រព័ន្ធទឹកស្អាត មន្ទីរពិសោធន៍ចល័ត និងបំពាក់បំប៉នបុគ្គលិកសុខាភិបាលបន្ថែម។ ឥលូវមានអាមេរិកចូលរួមជាមួយទៀត គឺពិតជាការប្រមូលផ្តុំដ៏ធំធេង។
ការបញ្ជូនកម្លាំងនិងមធ្យោបាយយោធាទៅអាហ្វ្រិក ជាពិសេសទៅប្រទេសហ្គីណា សៀរ៉េឡេអូន និងលីបេរីយ៉ា មិនមែនទៅកាន់អាវុធធ្វើសង្គ្រាមទេ តែជាក្រុមដែលមានភារកិច្ចនិងសមត្ថភាពចាត់ចែង ឃាំងអ្នកជំងឺអេបូឡាទុកម្តុំ នាំសម្ភារៈបរិក្ខារ ដើម្បីអាចធានាសុវត្ថភាពដល់ភ្នាក់ងារសុខាភិបាល ទាំងអស់។
បើតាមលោកប្រសាសន៍លោកអូបាម៉ា ប្រទេសរងគ្រោះខ្លាំងជាងគេទាំងបីនោះ គ្មានហេដ្ឋារចនាសម្ព័ន្ធសមស្រមសោះ។ ជំងឺអេបូឡាតាមពិតអាចដោះស្រាយចេញ ប៉ុន្តែបែរជាត្រូវជោរហួស គ្រប់គ្រងលែងកើតនៅពេលនេះ ក៏ដោយហេតុតែអ្នកជំងឺនៅដើររហេតរហូតបាន។ ចំណែកបុគ្គលិកពេទ្យក៏មិនគ្រប់គ្រាន់ និងគ្មានបានទទួលការបំពាក់បំប៉នត្រឹមត្រូវតាមក្បួនខ្នាត។ ហេតុដូច្នេះហើយបានជាអាមេរិកត្រូវបញ្ជូនកម្លាំងយោធាទៅគ្រប់គ្រងការងារនៅទីនោះ។ បើមិនធ្វើពេលនេះភ្លាមទេ នោះវីរ៉ុសអេបូឡាអាចរីករាលដាលនៅប្រទេសផ្សេងទៀតនៅអាហ្វ្រិក ឬទៅដល់តំបន់ផ្សេងទៀតលើពិភពលោក រួចវីរ៉ុសនោះអាចបំផ្លែងខ្លួន អាចចម្លងកាន់តែស្រួល គ្រោះថ្នាក់មានកាន់តែធំ ដែលនាំឱ្យកាន់តែពិបាកគ្រប់គ្រង។
វ៉ាក់សាំង មានប្រសិទ្ធិភាពលឿងនិងយូរ
ចាសអេបូឡា បានសម្លាប់ជីវិតមនុស្សជាងពីរពាន់នាក់ ក្នុងនោះជាង៥រយនាក់នៅសៀរ៉ាឡេអូន ! ជំងឺនេះ គ្មានថ្នាំអាចព្យាបាលទេ ! ហេតុដូច្នេះហើយបានជាម្សិលម្ងៃរដ្ឋាភិបាលសៀរ៉ាឡេអូន បានប្រកាសវិធានការដ៏តឹងតែងបំផុត សម្រេចបិទបង្ឃាំងពលរដ្ឋទាំងអស់មិនឱ្យចេញពីផ្ទះបីថ្ងៃ។ ជាវិធានការដែលអង្កការសុខភាពពិភពលោក និងប្រជាជនផ្ទាល់ រិះគន់ខ្លាំងណាស់។ ប៉ុន្តែសម្រាប់អាជ្ញាធរសៀរ៉ាឡេអូន នេះជាមធ្យោបាយទប់ស្កាត់ការរាតត្បាត និងងាយវែករកមុខអ្នកផ្ទុកជំងឺអេបូឡា។
ចំណែកថ្នាំវ៉ាក់សាំងវិញ ថ្ងៃអាទិត្យម្សិលមិញ ក្រុមអ្នកស្រាវជ្រាវបានចេញរបាយការណ៍សិក្សា គួរជាទីសង្ឃឹម បញ្ជាក់ពីការចាក់ថ្នាំការពារ សាកល្បងលើមនុស្ស។ នៅលើសត្វស្វា ថ្នាំការពារនេះ បើចាក់រំលឹកជាលើកទីពីរ អាចមានសមត្ថភាពការពារ លឿន និងយូរអង្វែង ប្រឆាំងនឹងវីរ៉ុសអេបូឡា។ មួយម្ជុលដំបូងការពារបាន៥អាទិត្យ តែបើចាក់បន្ថែមម្ជុលទីពីរនឹងធ្វើឱ្យប្រព័ន្ធការពារខ្លួនសត្វស្វាអាចទប់ទល់នឹងជំងឺអេបូឡាបានដល់ទៅ ១០ខែ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ