RSF៖និយាយច្រើនពីអ្នកកាសែត ជាវិធានការការពារសុវត្ថិភាពឲ្យអ្នកកាសែត
ចុះផ្សាយនៅថ្ងៃ៖
ស្តាប់ - ០៧:៤៩
នៅថ្ងៃចន្ទ និងថ្ងៃអង្គារទី ៦មិថុនានេះ ទិវាសេរីភាពសារព័ត៌មានពិភពលោក ត្រូវបានប្រារព្ធធ្វើឡើង នៅទីស្នាក់ការកណ្តាលរបស់អង្គការយូណេស្កូ ក្នុងទីក្រុងប៉ារីស។ នៅក្នុងចំនោមប្រធានបទជាច្រើនដែលលើកនិយាយវិធានការដើម្បី អភិវឌ្ឍសិទ្ធិសេរីភាពបញ្ចេញមតិ នៅក្នុងពិភពលោក វាគ្មិនមកពីអង្គការការពារសិទ្ធិអ្នកកាសែត ក្រុមប្រឹក្សាអឺរ៉ុប និងស្ថាប័នផ្សព្វផ្សាយធំៗបានផ្តោតសំខាន់ផងដែរ ទៅលើសន្តិសុខ និងសុវត្ថិភាពរបស់អ្នកសារព័ត៌មាន ដែលបច្ចុប្បន្ននេះ កំពុងរងការគំរាមកំហែង នៅក្នុងពេលអនុវត្តការងាររបស់ខ្លួន។ មន្រ្តីអង្គការធ្វើការទៅលើប្រព័ន្ធផ្សព្វផ្សាយ និងអ្នកកាសែត បានចូលរួមនៅក្នុងសន្និសីទរយៈពេលពីរថ្ងៃនេះ។ នៅក្នុងចំនោមអ្នកកាសែត គេឃើញមានអ្នកកាសែតកម្ពុជាម្នាក់ គឺកញ្ញាផន បុប្ផា ដែលបម្រើការឲ្យកាសែត The Cambodia daily។