លោក អ៊ា ចរិយា៖ អ្នកបើកបរទោចក្រយានយន្តទាំងអស់ ត្រូវតែមានប័ណ្ណបើកបរ
ចុះផ្សាយនៅថ្ងៃ៖
ស្តាប់ - ១១:២៦
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នារាត្រីនេះ គឺ លោក អ៊ា ចរិយា នាយកវិទ្យាស្ថានសុវត្ថិភាពចរាចរណ៍។ នៅក្នុងកិច្ចប្រជុំពេញអង្គរដ្ឋសភា កាលពីព្រឹកមិញ នេះ បានសម្រេចអនុម័ត លុបចោល ការធ្វើប័ណ្ណបើកបរសម្រាប់ទោចក្រយានយន្ត ដែលមានកម្លាំង ១២៥ សេសេចុះក្រោម។ ជុំវិញបញ្ហានេះ លោក អ៊ា ចរិយា មិនយល់ឃើញដូច្នេះទេ។ លោក ចាត់ទុកថា ការលែកលែងនេះ គឺជាចំណុចមួយដែលគួរឱ្យព្រួយបារម្ភ។ ព្រួយបារម្ភ ដោយសារតែ នៅកម្ពុជា នាពេលបច្ចុប្បន្ន មានចំនួនអ្នកបើកបរម៉ូតូច្រើនលើសលប់ ម្យ៉ាងទៀត គ្រោះថ្នាក់ចរាចរណ៍ភាគច្រើនកើតឡើងលើអ្នកបើកបរម៉ូតូទាំងនោះ។ ដូច្នេះ លោក មើលឃើញថា អ្នកបើកបរទាំងនោះ គួរតែមានប័ណ្ណបើកបរ ដែលនឹងអនុញ្ញាតឲ្យពួកគេ ទទួលបានចំណេះដឹងក្នុងការបើកបរ ដើម្បីឈានទៅកាត់បន្ថយគ្រោះថ្នាក់ចរាចរណ៍។ តទៅនេះ សូមស្តាប់កិច្ចសម្ភាសរវាង សរ ពិសី និង លោក អ៊ា ចរិយា ដូចតទៅ៖
