លោក អាន រស្មី៖ ការខំថតសំឡេងវង់ភ្លេងអារក្ខតាមភូមិក្បែរប្រាសាទសំបូរព្រៃគុកគឺចាំបាច់
ចុះផ្សាយនៅថ្ងៃ៖
ស្តាប់ - ១១:៤៩
ភ្ញៀវរបស់វិទ្យុបារាំងអន្តរជាតិ RFIនៅថ្ងៃអាទិត្យគឺលោក អាន រស្មី ដែលជាបុគ្គលិកថ្មីនៃមន្ទីរវប្បធម៌ និងវិចិត្រសិល្បៈ ខេត្តកំពង់ធំ។ ក្នុងវ័យ២៦ឆ្នាំ យុវជន អាន រស្មី ខិតខំដើរថតសំឡេងវង់ភ្លេងអារក្ខដែលនៅមានតាមភូមិដាច់ស្រយាលខ្លះរបស់កម្ពុជា។ ចាយលុយខ្លួនឯង តាំងពីឆ្នាំ២០១២មក អ្នកស្រឡាញ់តន្ត្រីអារក្ខរូបនេះជឿថា ការថតសំឡេងភ្លេងប្រពៃណីដែលខ្មែរប្រើដើម្បីបញ្ចូលរូបហៅខ្មោចមកសួរពេលមានមនុស្សឈឺ ឬសម្រាប់ប្រគុំក្នុងពិធីឡើងអ្នកតា ក្បែរៗប្រាសាទសំបូរព្រៃគុក ឱ្យបានមុនពេលដែលប្រាសាទក្លាយជាសម្បតិ្តបេតិកភណ្ឌពិភពលោកគឺ«ល្អ» ដើម្បីចៀសវាងការបាត់បង់លក្ខណៈដើមរបស់អ្នកភូមិ។