លីកាដូចង្អុលមុខតុលាការថា មានកំហុសឆ្គងធ្ងន់ធ្ងរក្នុងការផ្តន្ទាទោសរឿងចាប់រំលោភ
ចុះផ្សាយនៅថ្ងៃ៖
ស្តាប់ - ០៩:២៧
ម្សិលមិញអង្គការការពារសិទ្ធិមនុស្សលីកាដូ បានចេញរបាយការណ៍មួយស្តីពីករណីរំលោភសេពសន្ថវៈនៅក្នុងប្រទេសកម្ពុជាក្រោមចំណងជើងថា បច្ចុប្បន្នភាពឆ្នាំ ២០១៦៖ ការរួចខ្លួនពីបទល្មើស។ របាយការណ៍នេះត្រូវបានធ្វើឡើងដោយផ្អែកលើសំណុំរឿងជាច្រើនដែលអង្គការលីកាដូបានធ្វើការស៊ើបអង្កេតក្នុងឆ្នាំ២០១២ ២០១៣ និង២០១៤ ហើយបានរកឃើញថា ការផ្តន្ទាទោសលើសំណុំរឿងរំលោភសេពសន្ថវៈនៅក្នុងប្រទេសកម្ពុជាមានកំហុសឆ្គងធ្ងន់ធ្ងរនិងជាលក្ខណៈជាប្រព័ន្ធ ដែលបណ្ដាលឲ្យការផ្ដន្ទាទោសលើសំណុំរឿងទាំងនេះនៅមានចំនួនទាបគួរឲ្យព្រួយបារម្ភ។ លីកាដូនៅតែដាក់បន្ទុកលើអំពើពុករលួយ ការខ្វះការយល់ដឹង និងអនុវត្តច្បាប់ និងការរើសអើងលើស្រ្តី គឺជាកត្តារួមចំណែកបង្កើតឲ្យមានបញ្ហាទាំងអស់នេះឡើង។
