៥ខែដើមឆ្នាំ២០២០៖ គ្រោះមហន្តរាយធម្មជាតិបានសម្លាប់ពលរដ្ឋខ្មែរចំនួនជិត២០នាក់ និង១១នាក់រងរបួស
ក្នុងរយៈពេល៥ខែដើមឆ្នាំ២០២០នេះ គ្រោះមហន្តរាយដោយរន្ទះបាញ់បានសម្លាប់ប្រជាពលរដ្ឋខ្មែរចំនួន១៥នាក់ និងរបួស១១នាក់។ បន្ថែមលើនេះ រន្ទះបាញ់ក៏បានសម្លាប់គោក្របីរបស់ប្រជាពលរដ្ឋចំនួន២១ក្បាលផងដែរ។ រន្ទះបាញ់ហាក់បានកើតឡើងច្រើននៅក្នុងខែឧសភាកន្លងទៅនេះ។ យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានឲ្យដឹងថា ក្រៅពីរន្ទះបាញ់ ខ្យល់កន្ត្រាក់ក៏បណ្តាលឲ្យប្រជាពលរដ្ឋ៣នាក់ស្លាប់ និងរលំផ្ទះប្រជាពលរដ្ឋប្រមាណជាជិត៤ពាន់ខ្នងផងដែរ។ លោក ឃុន សុខា អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានប្រាប់វិទ្យុបារាំងអន្តរជាតិនៅថ្ងៃអាទិត្យនេះថា ខេត្តដែលរងគ្រោះខ្លាំងជាងគេ គឺខេត្តបន្ទាយមានជ័យ បាត់ដំបង ឧត្តរមានជ័យ កំពង់ស្ពឺ កណ្តាល និងខេត្តកំពង់ចាមជាដើម។
ចុះផ្សាយនៅថ្ងៃ៖
ស្តាប់ - ០១:២៥