អាជ្ញាធរខេត្តសៀមរាបអះអាងថា ខេត្តកំពុងបន្តព្យាយាមសម្របសម្រួល វិវាទការងារនៅសណ្ឋាគារ Le Meridien Angkor
កម្មករនិយោជិតដែលបម្រើការងារនៅសណ្ឋាគារ Le Meridien Angkor ស្ថិតក្នុងខេត្តសៀមរាប នៅតែបន្តការតវ៉ារបស់ពួកគេនាព្រឹកថ្ងៃសុក្រនេះនៅខាងមុខសណ្ឋាគារ ដើម្បីទាមទារឲ្យមន្ទីរការងារខេត្តសៀមរាប ដាក់វិវាទការងាររបស់ពួកគេចំនួន៣ចំណុចឲ្យទៅជាវិវាទការងាររួម។ វិវាទការងារទាំង៣ចំណុចនោះគឺ ការស្នើឲ្យសកម្មសហជីព៣នាក់ ដែលថៅកែបញ្ឈប់ពីការងារបានចូលធ្វើការវិញ ការតម្លើងប្រាក់ឈ្នួលពី ៦៥% មក ៨០% អំទ្បុងពេលព្យួរការងារ និងស្នើឲ្យអ្នកគ្រប់គ្រងមានឥរិយាបទប្រកបដោយសីលធម៌។ ជុំវិញវិវាទដែលរ៉ាំរ៉ៃ ដោះស្រាយមិនចេញនេះ ក្រុមសហជីពកម្មករនិយោជិត បានដាក់លិខិតទៅកាន់សាលាខេត្តសៀមរាបកាលពីថ្ងៃទី៦ខែសីហាម្សិលមិញ ដើម្បីសុំជួបអភិបាលខេត្តនិងស្នើសុំឲ្យអភិបាលខេត្តជួយដោះស្រាយ។ ក៏ប៉ុន្តែ លោក នាក់ ណេរ៉ុន អភិបាលរងខេត្តសៀមរាបទទួលបន្ទុកផ្នែកការងារថ្លែងប្រាប់វិទ្យុបារាំង RFI នៅថ្ងៃនេះថា សាលាខេត្តសៀមរាបបានព្យាយាមជួយដោះស្រាយដល់ភាគីទាំងពីរនូវផ្លូវកណ្តាលមួយ ដែលអាចទទួលយកបានទាំងអស់គ្នា ខណៈពេលនេះនៅជាដំណាក់កាលសម្របសម្រួលនៅឡើយ។
ចុះផ្សាយនៅថ្ងៃ៖
សូមស្តាប់ប្រសាសន៍លោក នាក់ ណេរ៉ុន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ