ខេត្តបន្ទាយមានជ័យរងនូវជំនន់ទឹកភ្លៀងហូរធ្លាក់ពីប្រទេសថៃ ខណៈតំបន់ផ្សេងទៀតអាចប្រឈមនឹជំនន់ដូចគ្នា
មកទល់ម៉ោងនេះ ប្រជាពលរដ្ឋប្រមាណ១០០គ្រួសារ ត្រូវបានអាជ្ញាធរខេត្តបន្ទាយមានជ័យជម្លៀសទៅកាន់ទីទួលសុវត្ថិភាព ខណៈជំនន់ទឹកភ្លៀងបានហូរធ្លាក់មកពីប្រទេសថៃ ទីដែលខ្ពស់ជាងព្រំដែនកម្ពុជាចំនួន២ច្រក គឺច្រកអូខៃដន និងច្រកអូ៣ជាន់ ក្នុងស្រុកអូជ្រៅ។ ទាំងអាជ្ញាធរខេត្តបន្ទាយមានជ័យ ទាំងក្រសួងធនធានទឹកបញ្ជាក់ដូចគ្នាថា ស្ថានភាពជំនន់ទឹកភ្លៀងកំពុងស្ថិតនៅក្នុងដំណាក់កាលអាចគ្រប់គ្រងបាននៅឡើយ។ លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក ថ្លែងប្រាប់វិទ្យុបារាំង RFI នៅល្ងាចថ្ងៃចន្ទនេះថា ក្រៅពីជំនន់ទឹកភ្លៀង ដែលហូរធ្លាក់ពីប្រទេសថៃ ភ្លៀងក៏បានធ្លាក់នៅក្នុងក្របខណ្ឌទូទាំងប្រទេស ហើយតំបន់មួយចំនួនទៀតនៃប្រទេសកម្ពុជាអាចប្រឈមនឹងជំនន់ទឹកភ្លៀងផងដែរនៅប៉ុន្មានថ្ងៃខាងមុខនេះ ដោយសារទឹកភ្លៀងមានកំរិតខ្ពស់ដូចជានៅតំបន់ជួរភ្នំដងរែកជាដើម។
ចុះផ្សាយនៅថ្ងៃ៖
សូមស្តាប់ប្រសាសន៍លោក ចាន់ យុត្ថា៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ