អ្នកទោស១នាក់ស្លាប់ ក្នុងចំណោមអ្នកទោសជាង១០០នាក់ឆ្លងកូវីដ-១៩ នៅពន្ធនាគារខេត្តកំពង់ស្ពឺ
អ្នកទោសម្នាក់ជាស្ត្រីវ័យជាង៦០ឆ្នាំ បានស្លាប់កាលពីថ្ងៃចន្ទម្សិលមិញ នៅក្នុងពន្ធនាគារខេត្តកំពង់ស្ពឺ បន្ទាប់ពីក្រុមគ្រូពេទ្យរកឃើញថាស្ត្រីរូបនោះ បានឆ្លងមេរោគកូវីដ-១៩។ លោក វ៉ី សំណាង អភិបាលខេត្តកំពង់ស្ពឺ បានប្រាប់វិទ្យុបារាំងអន្តរជាតិ RFI នៅថ្ងៃនេះថា ស្ត្រីអ្នកទោសដែលបានស្លាប់នេះ គឺដោយសារគាត់មានជំងឺប្រចាំកាយជាច្រើន រួមផ្សំនឹងការឆ្លងមេរោគកូវីដ-១៩ ដែលមិនអាចឲ្យគាត់ទប់ទល់បាន។តាមលោក អភិបាលខេត្ត មកទល់ពេលនេះ មានអ្នកជាប់ឃុំនៅខេត្តកំពង់ស្ពឺជាង១០០នាក់ហើយ ដែលបានឆ្លងរាលដាលជំងឺកូវីដ-១៩ ដោយអាជ្ញាធរកំពុងតែមានវិធានការញែកអ្នកជាប់ឃុំចេញពីគ្នា រវាងអ្នកឆ្លង និងអ្នកសង្ស័យផ្សេងៗទៀត។
ចុះផ្សាយនៅថ្ងៃ៖
សូមស្តាប់ លោក វី សំណាង រៀបចំដោយញឹម សុផល៖
សូមរំលឹកថា អ្នកជាប់ឃុំ នៅពន្ធនាគារជាច្រើន ត្រូវបានរកឃើញថាបានឆ្លងជំងឺកូវីដ-១៩ ក្នុងនោះមានពន្ធនាគារខេត្តព្រះសីហនុ ពន្ធនាគារព្រៃសរាជធានីភ្នំពេញ ពន្ធនាគារខេត្តកណ្តាល និងពន្ធនាគារខេត្តកំពង់ស្ពឺ។ ការស្លាប់របស់ស្ត្រីអ្នកទោស នៅខេត្តកំពង់ស្ពឺពេលនេះ ជាករណីដំបូងហើយ ក្រោយមានការឆ្លងរាតត្បាតជំងឺកូវីដ-១៩ ចូលក្នុងពន្ធនាគារ ខណៈអគ្គនាយកដ្ឋានពន្ធនាគារ ក៏កំពុងពន្លឿនការចាក់វ៉ាក់សាំងការពារជំងឺកូវីដ-១៩ ដល់អ្នកជាប់ឃុំផងដែរ ដោយចាប់ផ្តើមពីពន្ធនាគារនៅភ្នំពេញ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ